تورکیه نینگ مطبوعات خلاصه لری

صباح گزېته‌سی: «اېردوغا‌ن: سوريه‌ده‌گی ترور تشکیلاتلری باشی ایزیله‌دی» سرلوحه سی بیلن خبر بیره‌دی.

جمهور رئیس  رجب طیب اېردوغان، سوريه خلقی نینگ اونلب ییللر دوام اېتگن ظلم تیزیمینی آغده‌ریب، آزادلیککه اېریشگنینی ایتدی. اېرداغا‌ن، «مملکت نینگ باشقه‌ منطقه‌لریده‌گی داعش، پ ک ک/پی وای دی کبی ترور تشکیلاتلرینی اېنگ قیسقه‌ وقت ایچیده باشی ایزیله‌دی » دېدی.

وطن گزیته سی: «میت نینگ قمیشلیده‌گی ترور تشکیلاتی وای پی جی گه ضربه سی» سرلوحه سی بیلن خبر بیره‌دی.

ملي استخبارات‌ تشکیلاتی (می̇ت)، ترور تشکیلاتی پ ک ک/وای پی جی سوريه‌ نینگ قمیشلی منطقه‌سیده اسد رژیمیدن قولگه آلگن راکت‌لر، آغیر قورال و اوق-مهمات آرتیلگن 12 یوک مو‌تری، 2 تانک و 2 اوق-مهمات دیپوسینی یوق قیلدی.

خبر تورک گزیته سی: «جمهور رئیس  اېردوغا‌ندن ملاقاتلر» سرلوحه سی بیلن خبر بیره‌دی.

جمهور رئیس  اېردوغا‌ن، ایتا‌ليا باش وزیری گیورگی مېلونی و اروپا کمیسیونی رهبری اورسوله وان دېر لېن بیلن تېلفون آرقه‌لی ملاقات قیلدی. سوزله‌شوولرده سوريه‌ده‌گی اوزگریشلر تیلگه‌ آلیندی.

حرېت گزیته سی: «اېردوغا‌ن: سوريه‌ نینگ ینگی باشقرووینی قوللب-قوّتلشگه تیارمیز» سرلوحه سی بیلن خبر بیره‌دی.

جمهور رئیس  اېردوغا‌ن، سوريه‌ده‌گی ینگی باشقروو نینگ سوريه خلقینی اوز ایچیگه آلگن بیر یانداشوو‌نی اېگه‌للشینی امید قیلگنلیکلرینی بیلدیردی. ینگی باشقرووگه هر تامانلمه تورلی ضرور یاردم بېریشلرینی تأکیدله‌دی.

ستار گزیته سی: " تورکيه چېگره‌سیدن تشقری نفت و طبيعي گاز فعالیتی" سرلوحه سی بیلن خبر بیره‌دی.

انرژی و طبيعي منبعلر وزیری آلپ ارسلان بیراقدار، عراق، لیبيا، افریقا، مرکزي آسیا، قفقاز و جَنوبي امریکاده خلق‌ارا همکارلیک بیلن نفت و طبيعي گاز ایشلب چیقریشنی کوپه‌یتیریشنی مقصد قیلگنلیکلرینی معلوم قیلدی.