تورکیه نینگ مطبوعات خلاصه لری

خبر تورک گزیته سی: "تورکیه بیلن لبنان فلسطین خلقی نینگ یانیده" سرلوحه سی بیلن خبر بیردی.

گزیته ملی خوفسیزلیک کینگشی، جمهور رئیس رجب طیب ایردوغان نینگ باشچیلیگیده ییغیلدی. ییغیلیشدن کیین بریلگن بیاناتده، اسرائیل نینگ لبنان و فلسطین گه قره تیلگن هجوملریگه دقت تارتیلیب، خلق ارا مسؤل ییتکچیلرگه چقیریق قیلیندی.

حریت گزیته سی: "تورکیه، سوریه ده ترور کاریدوریگه یول قویمه یدی" سرلوحه سی بیلن خبر بیردی.

گزیته ملی خوفسیزلیک کینگشی بیاناتیده سوریه حدودلریده اویه قورگن ترور تشکیلاتلرینی یوق قیلیشگه قره تیلگن حرکتلرنینگ اوزلکسیز دوام ایته دیگنی و تورکیه نینگ ملی خوفسیزلیگیگه ضرر ییتکزه دیگن هر قنده ی پلان یاکی تشبثگه یول قوییلمه یدیگنی تاکیدلندی.

ستار گزیته سی: "عمر چلیکدن منطقه‌وی اوروش آگاهلنتیرووی" سرلوحه سی بیلن خبر بیردی.

گزیته عدالت و ترقیات حزبی رهبری اورینباسری و حزب سوزچیسی عمر چلیک، اسرائیل نینگ لبنان گه قره تیلگن هجوملریگه تیگیشلی، " قیرغین سیاستی توخته تیلمه سه، منطقه‌وی اوروش چیقیشی ممکن" دیدی.

یینی شفق گزیته سی: "قبرس آرالی اوچون تاریخ بیلگیلندی" سرلوحه سی بیلن خبر بیردی.

گزیته  بیرلشگن ملتلر تشکیلاتی سوزچیسی ستیفان دوجاریک، قبرس آرالیده گی طرفلرنینگ ۱۵-اکتوبرده اوچره شیشیدن خبر بیردی. بیرلشگن ملتلر تشکیلاتی باش کاتبی گوترش، شمالی قبرس تورک جمهوریتی جمهور رئیسی ایرسین تاتار و جنوبی قبرس روم باشقرووی رهبری نیکوس هریستودولیدیسنی غیررسمی مصلحتلرگه تکلیف قیلگن ایدی.

صباح گزیته سی: "تورک هوا یوللری دنیا مقیاسیده اینگ کتته لردن بولیش یولیده"  سرلوحه سی بیلن خبر بیردی.

گزیته تورک هوا یوللری باشقروو کینگشی و اجرا کمیته سی باشلیغی احمد بولات، ۱۰ ییلده ۸۱۰ اوچاغی بولگن دنیاده گی ۴-اینگ کتته هوا یولی شرکتی بولیشنی مقصد قیلگنلرینی ایتدی.