افغانستان حکومتی نینگ امریکا قوشمه ایالتلری بیلن اسیر المه شوویگه تیار ایکن لیگی بیلدیریلدی
اوشبو مطلب نی افغانستان اوتیش دوری حکومتی سوزچیسی ذبیح الله مجاهد بیر تلویزیون کانالی گه بیرگن بیاناتیده تیلگه آلدی
افغانستان حکومتی امریکا قوشمه ایالتلری بیلن اسیر المه شوویگه تیار اېکنلیگینی، بیراق امریکا قوشمه ایالتلری حکومتی نینگ حلی انیق قدملر قویمه‌گنینی معلوم قیلدی.
افغانستان اوتیش دوری حکومتی سوزچیسی ذبیح الله مجاهد، امریکا قوشمه ایالتلری و افغانستان اورته‌سیده‌گی اسیر المه شووی مسأله‌سی بوییچه آمو تلویزیون کانالی‌گه بیانات بېردی.
مجاهد، اسیر المه شووی بوییچه مذاکره‌لرنینگ دوام اېته‌یاتگنینی، اما حلی ایجابي نتیجه یوقلیگینی معلوم قیلیب، "افغانستانده‌گی امریکالیک اسیرلر عوضیگه گوانتاناموده سه‌قلنه‌یاتگن افغان محبوسلرنی آزاد قیلیشنی تکلیف قیلدیک، لېکن امریکا قوشمه ایالتلری حلی حرکتگه اوتمه‌دی"، دېدی.
افغانستانده 2022-ییلدن بېری قماقده بولگن جورج گلزمن، رایان کوربت و محمود شاه حبیبی‌نینگ آزاد قیلینیشی اوچون تخمیناً 6 آیدن بېری تامانلر اورته‌سیده مذاکره‌لر آلیب باریلماقده.
آلدین تورلی ییتکرمه واسطه‌لریده چیققن خبرلرده، گوانتانامو قماقخانه‌سیده سه‌قلنه‌یاتگن محمد رحیم الافغاني نینگ عوضیگه افغانستانده‌گی قماقخانه‌لرده سقلنه‌یاتگن امریکا قوشمه ایالتلری وطنداشلرینی آزاد قیلیش بوییچه ایکّی مملکت اورته‌سیده مذاکره‌لر دوام اېته‌یاتگنی خبر قیلینگن اېدی.
علاقه لی ینگی لیکلر
تورکیه ده یوزلب افغانستانلیک قاچقین قولگه آلیندی
یوزلب قاچقین پلاستیک قَییقدن قوتقریب آلینیب کوچ اداره سیگه تسلیم بیریلدی
