افغانستان ده کوپلب کیشی حیاتینی یوقاتدی
اولکه ده ایککی ایریم ترافیک حادثه سی یوزبیردی
افغانستان نینگ غزنی ولایتیده یوز بیرگن ایکّی علیحده ترافیک حادثه‌سیده، دستلبکی معلوماتلرگه کوره 52 کیشی هلاک بولدی.
افغانستان مطبوعاتیگه کوره، غزنی نینگ شهباز و اندر تومنیگه قره‌شلی نا‌نی منطقه‌لریده توناون کونی کېچه‌سی ایکّی علیحده ترافیک حادثه‌سی یوز بیرگن.
غزنی ولایتی ساغلیقنی سقلش باشقرمه‌سی نینگ معلوم قیلیشیچه، حادثه‌لرده 52 کیشی هلاک بولگن، 76 کیشی جراحت آلگن.
هر ایکّله ترافیک حادثه‌سی هم پایتخت کابل‌نی جَنوبده‌گی قنده‌هار ولایتیگه باغلاوچی اساسي یولده یوز بیرگنی بیلدیریلدی، یولاوچی اتوبوسلریدن بیری نینگ نفت تشووچی تانکر بیلن، باشقه‌سی اېسه یوک مو‌تری بیلن توقنه‌شگنی قید اېتیلدی.
افغانستان مؤقت حکومتی سوزچیسی ذبیح الله مجاهید نشر قیلگن قیغوداشلیک پیامیده، تېگیشلی اداره‌لرگه زودلیک بیلن فوق العاده چاره‌لر کوریش و حادثه‌لر سببینی تېکشیریش بوییچه بویروق بېریلگنینی معلوم قیلدی.
افغانستانده اوزاق ییللر دوام اېتگن توقنه شوولر طفیلی آست - توزیلمه و یول قوریلمه لری رواجلنمه‌گنی سببلی، ترافیک حادثه‌لریده هلاک بولگنلر سانی یوقاری بولیش ممکن بولماقده.
علاقه لی ینگی لیکلر
تورکیه ده یوزلب افغانستانلیک قاچقین قولگه آلیندی
یوزلب قاچقین پلاستیک قَییقدن قوتقریب آلینیب کوچ اداره سیگه تسلیم بیریلدی
