هندوستان دن امریکا قوشمه‌ ایالتلری‌گه قاچقینلر بوییچه جواب بیریلدی

هندوستان تشقی ایشلر وزیری سوبرهمانیام جایشانکار امریکاده گی قاچقینلر حقیده گپیردی

2234177
هندوستان دن امریکا قوشمه‌ ایالتلری‌گه قاچقینلر بوییچه جواب بیریلدی

هندوستان تشقی ایشلر وزیری سوبرهمانیام جایشانکار، امریکا قوشمه‌ ایالتلریده ناقانوني روشده یشب تورگن هند لیک قاچقینلرنینگ مملکتگه قَیتیشیگه آچیق اېکنلیکلرینی بیلدیردی.

وزیر جایشانکار واشینگتنده ژورنالیستلرگه بېرگن بیاناتیده، ناقانوني کوچ‌گه قطعي قرشی اېکنلیکلرینی تأکیدله‌دی.

جایشانکار، 18 مینگ ناقانوني قاچقین یاکه ویزه‌سی توگه‌گن هندوستانلیکلرنینگ امریکا قوشمه‌ ایالتلری دن چیقریلیشگه تیگیشلی خبرلرگه جوابن، "اگر بیزنینگ وطنداشلریمیز بو یېرده ناقانوني بولسه و بیز بو شخصلرنینگ بیزنینگ وطنداشلریمیز اېکنلیگیگه ایشانچ حاصل قیلسه‌ک، بو شخصلر نینگ هندوستانگه قانوني روشده قَیتیشلریگه دایما آچیق بولدیک"، دېدی.

2023-2024-ییللرده 1100 دن آرتیق هندوستان وطنداشی امریکا قوشمه‌ ایالتلری دن چیقریلدی. اوشه‌ دورده امریکا قوشمه‌ ایالتلری‌گه ناقانوني یوللر بیلن کیریشگه حرکت قیلگن هندوستان وطنداشلری سانی 90 مینگ 415 کیشینی تشکیل اېتدی.

امریکا قوشمه‌ ایالتلری‌ نینگ ینگی دهلیده‌گی اېلچیسی اریک گارستی 15 جنوریده قیلگن بیاناتیده، 5 میلیوندن آرتیق هندوستان وطنداشی امریکا قوشمه‌ ایالتلری‌ ویزه‌سیگه اېگه‌ اېکنلیگینی تأکیدله‌گن اېدی.

امریکا قوشمه‌ ایالتلری‌ دولت باشلیغی دونا‌لد ترامپ، قسم‌یاد قیلگندن سونگ، مملکتده‌گی ناقانونی کوچ معماسیگه اعتبار قره‌تیب، بیر قطار چاره‌ - تدبیرلرنی اعلان قیلگن اېدی.



علاقه لی ینگی لیکلر