بوسنیا و هرزگوینا‌ده هوا افلاسلنیشی آرتیشی کوزه تیلماقده
کوپلب شهرلرده هوا افلاسلنیشی آرتیشی طفیلی کوریش مصافه‌سی کمه‌یگن وضعیتده
بوسنیا و هرزگوینا‌ده، پایتخت سارایوو قاله ویرسه کوپلب شهرلرده هوا افلاسلنیشی آرتیشی طفیلی کوریش مصافه‌سی کمه‌یدی.
هوا صفت درجه سی (AQI) 460 درجه‌ده اولچلگن پایتخت سارایوو، "جهان ییریک شهر هوا صفتی" قطاریده اېنگ افلاسلنگن هواگه اېگه 10 شهر آره‌سیده بیرینچی ا‌وریننی اېگلله‌دی.
پایتخت بیلن بیرگه کوپلب شهرلرده کوزه‌تیله‌یاتگن هوا افلاسلنیشی ینه بیر مدت دوام اېتیشی معلوم قیلیندی.
مملکت نینگ کوپلب شهرلریده هوا افلاسلنیشی و قلین تومن طفیلی یوللرده کوریش مصافه‌سی قیسقردی. هیداوچیلرنینگ احتیاطکار بولیشی حقیده آگاهلنتیریلدی.
بالقان نینگ اېنگ گوزل شهرلریدن بیری صفتیده تنیلگن، تاریخي و طبيعي گوزللیکلری سیاحلرنینگ سېویملی منزلی بولگن ساراه‌یووده قیش آیلریده عادتي حالگه ایلنگن هوا افلاسلنیشی، متخصصلر نینگ فکریچه، جوده اېسکی مودل اتوموبیللرنینگ چیقره‌یاتگن توتون گازلری همده ایسیتیش اوچون ایشله‌تیله‌یاتگن پست کالوريلی یاقیلغیلردن کېلیب چیقماقده.
