روسیه قوراللی کوچلری اوکراین نینگ زاپوریژیا ولایتیگه هجوم اویوشتیردی
اوشبو هجوم عاقبتیده کوپلب کیشی نینگ اولیب یره لنگن لیگی بیلدیریلدی
اوکراین جمهور رئیسی ولو‌دیمیر زلنسکي، روسیه قوراللی کوچلری نینگ اوکراین نینگ زاپوریژیا ولایتیگه قیلگن هجومیده 13 کیشی نینگ هلاک بولگنینی و 30 کیشی نینگ یره‌لنگنینی معلوم قیلدی.
ولو‌دیمیر زلنسکي اوزی نینگ اجتماعي ترماقده‌گی صحیفه‌سیده اعلان قیلگن بیاناتیده، روسیه نینگ زاپوریژیا‌گه باشقریله‌دیگن بمب بیلن هجوم اویوشتیرگنینی بیلدیردی.
زلنسکي اوز خبریده: "حاضرگی وقتده اونلب آدم نینگ یره‌لنگنی معلوم. برچه‌گه ضرور یاردم کورسه‌تیلماقده. افسوسکی، 13 کیشی حیاتینی یوقاتدی. عایله اعضالری و یقینلریگه قیغوداشلیک بیلدیره‌من. هلاک بولگنلر سانی آرتیشی ممکن" دېیه قید اېتدی.
زاپوریژیا منطقه سی حربي باشقرووی رهبری ایوا‌ن فېدروف هم اوزی نینگ اجتماعي ترماقده‌گی صحیفه‌سیده، روسیه قوراللی کوچلری نینگ منطقه‌ده‌گی صناعت آست توزیلمسی‌گه ضرر بېرگنینی تأکیدلب، هجومده یره‌لنگن 30 کیشی نینگ ولایت کسلخانه‌سیگه یاتقیزیلگنینی بیلدیردی.
اوکراین دولت رئیسلیک دفتری باشلیغی اندري یېرما‌ک هم اوزی نینگ اجتماعي ترماقده‌گی صحیفه‌سیده زاپوریژیا‌گه اویوشتیریلگن هجوم نی قاره‌لب، "روسیه ینه تینچ اهالینی نشانگه آلماقده" دېیه قید ایتدی.
