بیرلشگن ملتلر تشکیلاتی تامانیدن سوریه ده گی وضعیت حقیده بیانات بیریلدی
اوشبو بیانات بیرلشگن ملتلر تشکیلاتی باش کاتبی گوترش تامانیدن بیریلدی
بیرلشگن ملتلر تشکیلاتی باش کاتبی گوترش: "14 ییللیک وحشی اوروش و دیکتاتور رژیم نینگ کوترریلیشیدن سونگ سوريه خلقی برقرار و تینچلیک آرقه‌لی کېله‌جکنی قوریش اوچون تاریخي امکانیت آلدی."
انتونیو گوترش سوريه‌ده بعث رژیمی نینگ قوله‌شیدن سونگ یازمه بیانات بېردی.
سوريه کېله‌جگینی سوريه‌لیکلر بېلگیلشی کېره‌ک اېکنلیگینی تأکیدله‌گن گوترش، بیرلشگن ملتلر تشکیلاتی سوريه مخصوص وکیلی گېیر آ. پېدېرسېن هم شو یونه‌لیشده قوللب-قوّتلشده دوام اېتیشینی تأکیدله‌دی.
گوترش: "14 ییللیک وحشی اوروش و دیکتاتور رژیم نینگ کوتریلیشیدن سونگ سوريه خلقی برقرار و تینچلیک آرقه‌لی کېله‌جکنی قوریش اوچون تاریخي امکانیت آلدی"، - دېب بهاله‌دی.
منظم سیاسي اوتیشنی تأمینلش اوچون "بجریله‌دیگن کوپ ایشلر" بارلیگینی تأکیدله‌گن گوترش، "اوشبو حساس دورده سکونت، زورآورلیکدن قاچیش و هېچ قنده‌ی فرق قیلمسدن برچه سوريه‌لیکلر حقینی محافظه قیلیش چقیرغیمنی تکرارله‌یمن"، - دېدی.
گوترش قونسللیک و دیپلوماتیک باشقرمه‌لر، شونینگدېک او جایلرده ایشلاوچی خادملری خلق‌ارا قانون اساسیده محافظه قیلینیشی کېره‌ک اېکنلیگینی تأکیدله‌دی.
بیرلشگن ملتلر تشکیلاتی باش کاتبی سوريه‌لیکلرگه کېلیشیش، عدالت، اېرکینلیک و برچه‌گه فراوانلیک نینگ موجودلیگینی تأمینلشده قوللب-قوّتلشلرینی و بونینگ سوريه‌ده برقرار تینچلیک نینگ یولی اېکنلیگینی تأکیدله‌دی.
سوريه‌ده 27 نوامبرده رژیم کوچلری بیلن قرشی قوشینلر اورته‌سیده‌گی توقنه شوولر کوچه‌یگن اېدی.
پایتخت دَمشق‌ده 7 دسامبرده کیریش گه باشله‌گن گروهلرگه اهالی عامه‌سی نینگ هم قوللب-قوّتیشی نتیجه‌سیده رژیم بو یېرده و باشقه کوپلب حدودلرده تولیق کنترولنی یوقاتیب قویدی.
توناون بعث حزبی نینگ مملکتده‌گی 61 ییللیک حاکمیتی توگه‌دی و رژیم رهبری بشارالااسد پایتختدن قاچدی.
