گینه ده یوزبیرگن حادثه لرده اولگنلر سانی 135 نفرگه ییتدی
گینه ده فوتبال بیلله شوولری پیتیده حادثه لر یوزبیرگندی
غربی افریقا دولتی گینه‌ده فوتبال بیلله‌شووی پیتیده طرفدارلر آره‌سیده چیققن واقعه‌لر نتیجه‌سیده هلاک بولگنلر نینگ سانی 135 گه یېتدی.
انسان حقلری تشکیلاتلری تامانیدن بیریلگن بیاناتده، خوفسیزلیک کوچلری نینگ توقنه‌شووگه مداخله پیتیده جوده کوپ کوز یاشی چیقرووچی گاز ایشله‌تگنلیگی و تماشا قیلووچیلرنینگ اېمس، بلکه ییتکچی شخصلرنینگ قوریقلنیشیگه اعتبار بېریلگنلیگی قېید اېتیلدی.
یکشنبه کونی گینه وقتینچه دولت باشلیغی ممه‌دی داومباویه شرَفیگه اوتکزیلگن محلي بیلله‌شوولر پیتیده، حکم نینگ ینگلیش پېنالتی قراری نتیجه‌سیده طرفدارلر بیر-بیریگه قرشی چیقیشیب، غوغا یوز بیرگن اېدی.
یوزلب کیشی میدان‌گه کیررکن واقعه‌ده پولیس کوز یاش چیقرووچی گاز بیلن مداخله قیلگن اېدی.
باش وزیر امادو با‌ه آوری واقعه مسؤللرینی انیقلش اوچون تېرگاو باشلنگنلیگی حقیده معلوم بیرگن اېدی.
رسمي بیاناتده گاوجوم عاقبتیده باله‌لر هم بولگن 56 کیشی نینگ هلاک بولگنلیگی ایتیلگن اېدی.
