ویلزده قتیق بوران یوزبیردی
اولکه ده برت بوران نینگ کیلتیریب چیقرگن قتیق یامغیرلر سببلی بیر کیشی اولدی
بریتانیا گه قره‌شلی ویلزده، برت بوران نینگ کیلتیریب چیقرگن قتیق یامغیرلر سببلی بیر کیشی اولدی، اویلر و یوللر سو آستیده قالدی.
قتیق بوران سببلی ویلز بوییچه ۴۰ دن آرتیق سیل آگاهلنتیرووی ترقه‌تیلدی، پونتیپرید شهریده گی بعضی یوللر، اویلر و موترلر سوگه چومدی.
تاف دریاسی بوییده گی یشوچیلر، سیل باسقینیدن کیین اویلریدن سونی چیقریشگه حرکت قیلگنلری کوریلدی.
ینه بیر طرفدن، شمالی ویلز پولیسی نینگ بیلدیریشیچه، بوران وقتیده کونوی دریاسیده یوقالگن بیر ایرکک کیشی نینگ جسدی تاپیلگنی معلوم قیلیندی.
بریتانیا بوییچه هم بوران سببلی ۴۰۰ گه یقین سیل آگاهلنتیرووی ترقه‌تیلدی.
هواشناسلیک اداره سی نینگ بیلدیریشیچه، قار، موز، قتیق یامغیر و کوچلی شمال گه سبب بولگن برت بورانی سببلی "کوپ خطرلی واقعه لر یوز بیریشی ممکن" دیگن آگاهلنتیروو بیریلگن ایدی.
بیلدیریلیشیچه، قتیق بوران طفیلی سفرلرده کیچیکیشلر بولیشی ممکن لیگی، سو باسقینلری یوز بیریشی و بعضی منطقه لرده شمال تیزلیگی ساعتیگه ۱۱۳ کیلومتر گه ییتیشی ممکن لیگی بیلدیریلگن ایدی.
