ترامپ ظفر صبحتی عملگه آشیردی
رسمی بولمه‌گن ایلک نتیجه‌لرگه کوره دونالد ترامپ یوتوق قازانگن وضعیتده
امریکا قوشمه ایالتلریده، دولت رئیسلیک بیلله‌شوویدن کیین غلبه نطقی قیلگن جمهوریتچی نامزاد دونالد ترامپ، "تاریخ یازدیک، اوتدیک" دیگن سوزلرنی قوللندی.
رسمی بولمه‌گن ایلک نتیجه‌لرنینگ اعلان قیلینیشی بیلن دونالد ترامپ، فلوریداده قیلگن نطقیده غلبه‌سینی اعلان قیلدی.
ترامپ، سیلاو نتیجه‌سینی "تاریخی و سیاسی بیر غلبه" دیب بهاله‌دی.
ترامپ، "تاریخ یازدیک. ۴۷-نچی دولت رئیسینگیزنی تنله‌گنینگیز اوچون منتدارچیلیک بیلدیره من. هر کون سیزلر اوچون کوره‌شه‌من. امریکا قوشمه ایالتلری آلتین دوری بوله‌دی. بو، امریکا قوشمه ایالتلری اوچون کتته غلبه" دیدی.
امریکا قوشمه ایالتلریده دولت باشلیغینی ۵۳۸ کیشیدن عبارت "سیلاوچیلر کینگشی" تعیینله‌یدی.
بیر نامزادنینگ آق سرایگه باریشگه حق قازانیشی اوچون ۲۷۰ وکیل‌نینگ آوازینی آلیشی کیره‌ک.
رسمی بولمه‌گن نتیجه‌لرگه کوره، ترامپ ۲۶۷ وکیل، دموکراتلر نامزادی کماله هریس ۲۲۴ وکیل قازاندی.
سیلاوچیلر کینگشی وکیللری ۱۷ دسامبرده کیم‌نینگ یوتگنینی رسمی روشده اعلان قیله‌دی.
سیلاو غالبی ۶ جنوریده سنا تامانیدن تصدیقلنه‌دی.
۲۰ جنوریده امریکا قوشمه ایالتلری‌نینگ ینگی دولت باشلیغی کنگره‌ده قسم ایچیب، آق سرایده وظیفه‌نی، حاضرگی دولت باشلیغی جو بایدن‌دن قبول قیلیب آله‌دی.
سیلاوده ۴۳۵ اورینلی وکیللر مجلسی‌نینگ همه‌سی و ۱۰۰ اعضالی سناده‌گی ۳۴ اورین‌نینگ ایگه‌لری هم بیلگیلنگن بوله‌دی.
رسمی بولمه‌گن نتیجه‌لرگه کوره جمهوریتچیلر، وکیللر مجلسیده هم سناده هم کوپچیلیکنی قولگه کیریتگن وضعیتده.
