هندوستان‌نينگ پايتختی ينگی دهلی دنيا مقیاسیده هواسی اېنگ افلاس شهر بولدی

هندوستان‌نينگ پايتختی ينگی دهلی، ديوالی ياروغليک بيره ميده قوللنيلگن هوايی فیشینگلر سببلی دنيا مقیاسیده هواسی اېنگ افلاس شهرگه ايلندی.

ينگی دهلی‌ده ممانعت گه قره‌مسدن ديوالی ياروغليک بيره ميده قوللنيلگن هوايی فیشینگلر هوا افلاسليگی‌نينگ آرتيشيگه سبب بولدی.

ينگی دهلی، هوا صفتی کورستکيچی‌نينگ (AQI) ٣٤٨ ديب اولچیليشی بيلن بوگون دنيانينگ هواسی اېنگ افلاس شهريگه ايلندی.

هوا صفتی‌نينگ توشيشی بيلن شهرده توتونلی هوا حکمران بولرکن، پايتختده يشه‌يديگنلرنينگ بير قسمی ماسک تقيب تشقريگه چيقدی.

هندوستان‌نينگ شماليده‌گی فارملرده قالديق يانديريليشی‌نينگ هم هوا صفتی‌نينگ يامانلشيشي گه تأثير قيلگنی بيلديريلدی.

بيره م دايره‌سيده قوللنيلگن هوايی فیشینگلر هر ييلی هندوستانده هوا افلاسليگی درجه‌سينی يامانلشتيريب کېلماقده، محلی حکومتلر ديوالی بيره می وقتيده و قيش آيلريده هوايی فیشینگ قوللشنی منع قیلیش قراری قبول قيلگن ايدی.

ممانعتنی بوزگنليک اوچون قماق‌ جزاسی بوليشيگه قره‌مسدن کوپلب هندولر هوايی فیشینگ نمایشينی داوام اېتّيرماقده.