امریکا قوشمه ایالتلری بیلن انگلیس اوروش اوچاقلری یمن نینگ غربی گه هجوم اویوشتیردی

امریکا قوشمه ایالتلری بیلن انگلیس ائتلاف اوچاقلری، یمن نینگ غربیده گی حدیده شهریگه ۲ هوا هجومی اویوشتیردی.

حوثیلرگه تیگیشلی "المسیره" تلویزیونی نینگ خبریده، امریکا قوشمه ایالتلری بیلن انگلیس ائتلاف اوچاقلری نینگ، حدیده نینگ غربیده گی الجبانه منطقه سیگه ۲ هوا هجومی اویوشتیرگن لیگی بیلدیریلدی.

خبرده، بمباردمان سبب بولگن ضررگه تیگیشلی معلومات بیریلمه دی.

امریکا قوشمه ایالتلری بیلن انگلیس تامانیدن ایسه هجوملر حقیده حاضرچه بیر بیانات بیریلمه دی.

حوثیلر کنترولیده گی ساحل شهری حدیده، بیر خلق ارا هوا قونلغه سی بیلن ۳ بندرنی اوز ایچیگه آلیشی سببلی یمن نینگ اینگ مهم شهرلریدن بیری حسابلنه دی.

جبانه منطقه سیده هم حوثیلرگه تیگیشلی هوا مدافعه سی قرارگاه لریدن بیری جایلشماقده.