بوگون تورک دولتلری همکارلیک کونی ایتیب نشانلنماقده
تورکیه ٣ اکتوبر تورک دولتلری همکارلیگی کونینی نشانله‌دی
تشقی ایشلر وزیرلیگی تورک دولتلری تشکیلاتی نینگ اساس سالووچی حجتی بولگن نخجیوان بیتیمی نینگ ١٥ ییللیگی مناسبتی بیلن تورک دنیاسی نینگ ٣ اکتوبر تورک دولتلری همکارلیگی کونینی تبریکله‌گن پیام ترقه تدی.
وزیرلیک تبریک پیامینی ایکس اجتماعی میدیا ترماغیدن بیرگن بیاناتی آرقه‌لی اورتاقلشدی.
بیاناتده، "تورک دولتلری تشکیلاتی نینگ اساس سالووچی حجتی نخجیوان بیتیمی نینگ ١٥ ییللیگی مناسبتی بیلن بوتون تورک دنیاسی نینگ ٣ اکتوبر تورک دولتلری همکارلیگی کونینی فخر بیلن نشانله‌یمیز. تورک دولتلری آره‌سیده 'تیلده، فکرده، ایشده بیرلیک' شعارینی عملگه آشیریش اوچون بار کوچیمیز بیلن ایشلشده قطعیت بیلن دوام ایته‌میز" افاده‌لری قوللنیلدی.
تشقی ایشلر وزیری خاقان فیدان هم ایکس اجتماعی میدیا حسابیدن ترقه تگن پستیده، ٣ اکتوبر تورک دولتلری همکارلیگی کونینی و تورک دولتلری تشکیلاتی‌نینگ اساس سالووچی حجتی نخجیوان بیتیمی نینگ امضالنگنی نینگ ١٥ ییللیگینی فخر بیلن نشانله‌یاتگنلرینی بیلدیردی.
فیدان، "تورک دولتلری تشکیلاتی برادرلیک بیلن باشلنیب کینگ همکارلیک بیلن اوسگن بیر کوچدیر. اقتصاددن خوفسیزلیککه، مدافعه‌دن انرژی گه قدر هر ساحه‌ده عمومی مقصدلریمیزگه قره‌ب ایشانچلی قدملر بیلن آلغه باره‌یاپمیز" پیامینی ترقه تدی.
بو بیردملیک و تقدیر بیرلیگی نینگ تورک دنیاسی اوچون ینه‌ده کوچلیراق و ینه‌ده مستقل‌راق کله‌جک قوریشینی تأکیدله‌گن فیدان، موفقیتلر دایم بولیشی تیله‌گیده بولدی.
تشکیلات نامی "تورک تیلی سوزله‌شووچی مملکتلر همکارلیک کینگشی (قیسقه‌چه تورک کینگشی)" بولگن تورک دولتلری تشکیلاتی‌نینگ اساسلری، ٣ اکتوبر ٢٠٠٩ ییلده آذربایجان، قزاقستان، قیرغیزستان و تورکیه تامانیدن امضالنگن نخجیوان بیتیمی بیلن قوییلگن ایدی.
عمومی تاریخی و مدنی قدریتلرگه ایگه تورک دنیاسی نینگ بیرلیک بولیب خذمت قیلیشنی مقصد قیلگن تورک دولتلری تشکیلاتی، اعضا دولتلر بیلن اقتصاددن سیاستگه‌چه، تعلیمدن مدنیتگچه، مدافعه‌دن خوفسیزلیک گچه، ترانسپورتدن باجخانه‌گچه، توریزمدن سپورتگچه تورلی ساحه‌لرده همکارلیک نینگ زمینینی یره‌تیشگه یونلتیریلگن فعالیتلر آلیب باره‌دی.
حاضرده منطقوی مقیاسده تنیلیشی آشگن تورک دولتلری تشکیلاتی، ١٥ ییلده توپلم ٤،٢٥ میلیون کوه‌دره‌ت کیلومتر مربع ییرگه و تخمینن ١٦٠ میلیون اهالیگه ایگه اعضا دولتلری بیلن تورک دنیاسی نینگ جیوپولیتیک موقعینی کوچه یتیرووچی خلق ارا تشکیلاتگه ایلندی. آذربایجان، قزاقستان، قیرغیزستان، تورکیه و اوزبیکستان کبی ٥ تولیق اعضادن عبارت تورک دولتلری تشکیلاتی‌ده تورکمنستان، هنگری و شمالی قبرص تورک جمهوریتی "کوزه‌تووچی" صفتیده اورین آلگن.
تشکیل ایتیلگنیدن بویان دولت رهبرلری درجه‌سیده ١٠ ته ییغینگه میزبانلیک قیلگن تورک دولتلری تشکیلاتی ، ١١-چی جلسه سینی ٦ نوامبرده قیرغیزستانده اوتکزیشگه تیارلنماقده.
