نیپال ده طبیعی آفت طفیلی یوزلب کیشی حیاتینی یوقاتدی
جنوبی آسیا مملکتی نیپالده بیر نیچه کوندن بیری دوام ایتایاتگن قتیق یاغینگرچیلیکلر سوو تاشقینی و ییر کوچکیلریگه سبب بولدی
جنوبی آسیا مملکتی نیپالده بیر نیچه کوندن بیری دوام ایتایاتگن قتیق یاغینگرچیلیکلر سببلی یوزه گه کیلگن سیل و ییر کوچکیلری نتیجه‌سیده ۱۹۳ کیشی هلاک بولدی.
نیپال پولیسی تامانیدن بیریلگن معلوماتگه کوره، مملکت بویلب یوزبیرگن ییر کوچکیسی و سیللر طفیلی حاضرگه قدر ۱۹۳ کیشی حیاتدن کوز یومگن، ۳۱ کیشی همان بیدرک یوقالگن و ۹۶ کیشی یره لنگن.
اولیملرنینگ اکثریتی قتیق یاغینگرچیلیک یوزبیرگن پایتخت کتمندوده قید ایتیلگنی و شهرنینگ جنوبی منطقه سی نینگ کتته قیسمی سو آستیده قالگنی قید ایتیلدی.
کتمندو و اونینگ اطرافیده یوقالگن آدملرنی تاپیش اوچون قیدیروو-قوتقروو ایشلری دوام ایتایاتگن بیر پیتده، مسؤللر کوچکیلر طفیلی بعضی اساسی قتناو یوللر یاپیلگنینی، ترانسپورت واسطه‌لری یولده قالیب کیتگنینی معلوم قیلدی.
مملکتده جون-سپتامبر آیلریده یوزبیره‌دیگن موسون یامغیرلری جان و مال-مولک نینگ یوقاتیلیشیگه سبب بولماقده
