پورتگال ده اورمان یانغینلری دوام ایتماقده
اوشبو یانغین عاقبتیده کوپلب کیشی حیاتینی یوقاتدی
پورتگال نینگ شمالي حدودلریده دوام ایته‌یاتگن اورمان یانغینلریده اولگنلر سانی 7 کیشی گه ییتدی.
پورتگال فوق العاده وضعیتلر و وطنداشنی قوریقلش باشقرمه سی تامانیدن بیریلگن بیاناتده، 60 مینگ هکتاردن آرتیق اورمانلیک ساحه نینگ یانیب کیتگن لیگی شو وقت مملکت بویلب 65 جایده فعال یانغینلر بارلیگی و جوده آغیر وضعیتده کوره‌ش آلیب باریله‌یاتگنی تأکیدلندی.
یانغین طفیلی اولگنلرنینگ 3ته سی اوت اوچیرووچی توپلم 7 گه ییتگن لیگی، یره لنگنلرنینگ 50 کیشی گه ییتگن لیگی افاده ایتیلدی.
پورتگال باش وزیری لویس مانته نگرو، وزیرلر کینگشینی فوق العاده ییغیب، یانغینلرگه قرشی آلدیندن چاره - چاره‌لرینی کوچه‌یتیریش و کېین عاجل و کوچلی کوره شیشنی تأمینله‌یدیگن قرارلرنی قبول قیلر اېکن، یانغین چیقیشیگه سبب بولگنلرگه نسبتاً جزالرنی کوچه‌یتیریشینی هم اعلان قیلدی.
یانغیننی اوچیریش ایشلریگه کونگیللیلر بیلن بیرگه‌لیکده 5 مینگ کیشی قتنشر ایکن قوروقلیکدن 1700 ته واسطه و هوادن 29 ته اوچاق یاردم بیرماقده.
پورتگال نینگ اروپا اتفاقیدن یاردم سوره‌گنیدن سونگ، هسپانیا، فرا‌نسه، ایتا‌ليا و یونان بو مملکتگه یانغین اوچیریش اوچاقلری یوبارگن.
اینیقسه پورتو شهری نینگ جَنوبیده‌گی اوفیرو ولایتی و مملکت بویلب آدملر تدبیر مقصدلی اویلریدن تخلیه قیلینگنینی معلوم قیلگن رسميلر، 7 ته قتناو یولی نینگ یاپیق قاله‌یاتگنینی تأکیدله دی.
پورتگال حکومتی، باشقه یانغینلر طفیلی 15-سپتامبرده اعلان قیلینگن خوف حالتینی 19-سپتامبر یریم کیچه گچه اوزه‌یتیردی.
علاقه لی ینگی لیکلر
تورکیه تشقی ایشلر وزیری سعودی عربستان ده بیر قطار اوچره شوو اوتکزدی
سعودی عربستان نینگ پایتختی ریاض‌ده سوريه بوییچه ییغیلیش بولیب اوتدی
