پورتگال ده اورمان یانغینلری یوزبیرماقده
اوشبو اورمان یانغینلریده کوپلب کیشی اولیب یره لندی
پورتگال نینگ شمالي حدودلریده دوام ایته‌یاتگن اورمان یانغینلریده اولگنلر سانی 4 کیشی گه ییتگنی و 40 کیشی نینگ یره لنگنی معلوم قیلیندی.
پورتگال حکومتی، اینیقسه پورتو شهری نینگ جَنوبیده‌گی اوفیرو ولایتی و مملکت بویلب باشقه یانغینلر طفیلی 15-سپتامبرده اعلان قیلینگن خوف حالتینی 19-سپتامبر یریم کیچه گچه اوزه‌یتیردی.
پورتگال فوق العاده وضعیتلر و وطنداشنی قوریقلش باشقرمه سی همده محلي حاکمیت ییکچیلری نینگ بیاناتیده، مملکت بویلب 107 جایده فعال یانغینلر بارلیگی و جوده آغیر وضعیتده کوره‌ش آلیب باریله‌یاتگنی تأکیدلندی.
یانغین طفیلی اولگنلر سانی نینگ 4 گه ییتگن لیگی یره لنگن 40 کیشیدن 33 نفری اوت اوچیرووچیلر ایکن لیگی بیلدیریلدی.
یانغیننی اوچیریش ایشلریگه کونگیللیلر بیلن بیرگه‌لیکده 3 مینگدن آرتیق کیشی نینگ قتنشر ایکن قوروقلیکدن 880ته تخنیک و هوادن 19ته اوچاق یاردم بیرماقده.
پورتگال نینگ اروپا اتفاقیدن یاردم سوره‌گنیدن سونگ، هسپانیا، فرا‌نسه، ایتا‌ليا و یونان بو مملکتگه یانغین اوچیریش اوچاقلری یوبارگن.
علاقه لی ینگی لیکلر
تورکیه تشقی ایشلر وزیری سعودی عربستان ده بیر قطار اوچره شوو اوتکزدی
سعودی عربستان نینگ پایتختی ریاض‌ده سوريه بوییچه ییغیلیش بولیب اوتدی
