تورکیه ده ایشلب چیقریلگن تعلیمی اوچاق مصر آسمانیده اوچدی

تورکیه ده ایشلب چیقریلگن تعلیمی اوچاق دن عبارت حُر جیت, خلق ارا مصر هواچیلیک کورگزمه سی دایره سیده اوچدی. 

بیرینچی مرته بولیب اوتیاتگن اوشبو کورگزمه مصر نینگ اسکندریه شهری یقینیده گی خلق ارا العالمین هوا قونلغه سیده باشله دی.

مصر مدافعه وزیرلیگی و مصر هوا کوچلری میزبانلیگیده بولیب اوتیانگن کورگزمه ده تورک هواچیلیک و فضا صنایع سی (توساش) تامانیدن ایشلب چیقریلگن حر جیت نمایش ایتیلدی.  تقریباً 10 دقیقه هواده قالگن حرجیت اشتراکچی لر تامانیدن قیزیقیش بیلن کوزه تیلدی. 

اوشبو کورگزمه گه, افریقا و اورته شرقده مدافعه, فضا و تجاری هواچیلیک سکتوری نینگ یوقاری مرتبه لی باشلیق لری و حکومت مسئول لری اشتراک قیلماقده. 

مذکور کورگزمه دایره سیده توساش افریقا قطعه سیده اوزینی تانیتیش امکانیتی گه ایگه بولماقده. 

کورگزمه دایره سیده توساش, تورکیه ده ایشلب چیقریلگن قاآن, حرجیت, اتاک ناملی هلیکوپتر و آقسونگور اوچووچیسیز اوچاغی نی نمایش ایتماقده. 

میلادی 2023- ییل 30- جنوری کونی ماشینی ایشله تیلگن حرجیت, خوددی شوو ییل نینگ 25- اپریل کونی بیرنچی مراتبه اوچگن ایدی. 

اوشبو اوچاق نینگ میلادی 2025- ییلده تورکیه قوراللی کوچلری گه تاپشیریلیشی بوییچه پروسه نینگ باشلب کیتیشی ریجه لنماقده.