مینگ ییللیک بیرینچی چاره‌گیده‌گی مهم واقعه‌لر
برنامه
مینگ ییللیک بیرینچی چاره‌گیده‌گی مهم واقعه‌لر
قبرس تورکلری نینگ افسانوي یېتکچیسی، آرالده فعالیت یوریتگن تورک مقاومت تشکیلاتی نینگ "توروس" کود نامی بیلن تنیلگن مخفي رهبری و شمالي قبرس تورک جمهوریتی نینگ اساسچیسی- جمهور رئیسی روف دېنکتاش 2012-ییل 13-جنوریده وفات اېتدی. 88 ییللیک عمرینی قبرس تورکلری کوره‌شلری اوچون بیرگن روف دېنکتاش، انگلستان‌ده آلگن حقوق تعلیمدن سونگ قبرس‌گه قَیتیب کېلدی و اوزاق ییللر مدافعه وکیلی قارلاوچی و باش قاره لاوچی صفتیده حقوق ساحه‌سیده ایشله‌دی. فاضل کوچوک بیلن بیرگه آرالده‌گی تورک جماعه‌سی نینگ سیاسي حقلری اوچون کوره‌شگن روف دېنکتاش، قبرس روملری یونان بیلن بیرلشیش مقصدیده تورکلرگه قرشی ترور هجوملرینی باشلشی آرتیدن 1958-ییلده مقاومت کورسه‌تووچیلرنی بیر چتر آستیده بیرلشتیرگن تورک مقاومت تشکیلاتینی توزدی. آرال روملری نینگ آرزوسی بولگن "اېنوسیس"، یعنی یونان بیلن بیرلشیش رېجه‌لریگه قرشی کوره‌شینی هم سیاسي، هم دیپلوماتیک ساحه‌ده اوزاق ییللر دوام اېتتیرگن دېنکتاش، 1973-ییلده بیرلشگن قبرس جمهوریتی نینگ جمهور رئیس اورینباسری اېتیب سیلندی، اما قبرس تورکلریگه قرشی ترور هجوملری توخته‌مه‌گنی سببلی 1 ییلدن سونگ وظیفه‌سیدن استعفا بېردی.
تورکيه نینگ قبرسده‌گی تورکلرنی حمایه قیلیش و آرالگه تینچلیک آلیب کېلیش مقصدیده، لندن و زوریخ کېلیشوولریدن کېلیب چیققن ضامنلیک حقوقیگه اساسلنیب 1974-ییلده باشله‌گن "قبرس تینچلیک عملیاتی"، روف دېنکتاش حیاتیده بوریلیش نقطه‌سی بولدی. 1975-ییلده قبرس تورک فدرال دولتی نینگ اعلان قیلینیشیدن سونگ دولت و پارلمان رئیسی وظیفه‌لریگه تعیینلنگن روف دېنکتاش، 1983-ییل 15-نوامبرده تشکیل اېتیلگن شمالي قبرس تورک جمهوریتی نینگ هم بیرینچی جمهور رئیسی اېتیب سیلندی. 21 ییلدن آرتیق دوام اېتگن جمهور رئیسلیگی دوریده مملکتینی جهان مقیاسیده تنیشتیریش اوچون ایشلر آلیب بارگن روف دېنکتاش، 2004-ییلده بیرلشگن ملتلر تشکیلاتی باش کاتبی کوفی عنا‌ن تامانیدن تیارلنگن تینچلیک رېجه‌سیگه قرشی چیقدی، اما رفراندوم جریانیگه هم توسقینلیک قیلمه‌دی. عنا‌ن رېجه‌سی خلق آواز بېریشیده تورکلر تامانیدن قبول قیلینسه-ده، روملر تامانیدن رد اېتیلگنی سببلی عملگه آشمه‌ی قالدی. روف دېنکتاش 2005-ییل 17-اپرېلده اوتکزیلگن جمهور رئیسلیک سیلاویده نامزاد بولمسدن سیاسي فعالیتیگه نقطه قویگن بولسه-ده، حیاتی نینگ سونگگی کونلریگچه قبرس تورکلری نینگ خلق‌ارا میدانده حقلرینی آلیشی اوچون کوره‌شدی.
2010-ییل دسامبر آیی نینگ سونگگی کونلریده انسانیت ینگی ییلگه تیارلنه‌یاتگن اېدی، اما یقین شرق و شمالي افریقا منطقه‌سی 17-دسامبر کونی محمد بوعزیزی اسملی یاش کوچه ساتووچیسی نینگ تونیسده اوزینی یاقیشی بیلن باشلنه‌دیگن مکمل بوران نینگ آلیب کېله‌دیگن و 21-عصرگه "عرب بهاری" نامی بیلن یازیله‌دیگن واقعه‌لردن بېخبر اېدی. تونس‌ده باشلنگن واقعه‌لر قیسقه وقت ایچیده بوتون عرب منطقه‌سینی قه‌مره‌ب آلدی، مملکتینی 24 ییل دوامیده تېمیر مشت بیلن باشقرگن جمهور رئیس زینل العابدین بن علی 2011-ییل 14-جنوریده وظیفه‌سیدن استعفا بېریشگه و تونس‌دن قاچیشگه مجبور بولدی. تونس کوچه‌لریده باشلنگن یانغین لیبیا‌ده 42 ییللیک معمر قذافی باشقرووی، مصرده 30 ییلدن بېری دوام اېته‌یاتگن حسن مبارک و یمنده 33 ییلدن بېری دوام اېته‌یاتگن علی عبدالله صالح رژیملری نینگ قوله‌شیگه آلیب کېلدی، اما دموکرا‌تیک اوزگریش ایسته‌گی بیلن منطقه‌نی قه‌مره‌ب آلگن هیجان جوده قیسقه وقتده قان و کوز یاشیگه ایلندی. کېتمه-کېت یوز بېرگن عصیانلر، قوراللی توقنه‌شوولر و دولت تونتریشلری دوری سونگگی 15 ییلده یقین شرق و شمالي افریقاده یشاوچی بې‌گناه تینچ اهالی نینگ تقدیری بولیب قالدی.
2003-ییلده هسته قوراللری نینگ ییره‌یشینی آلدینی آلیش شرطنامه‌سیدن چیققن و هسته ای قورالینی ایشلب چیققنی حقیده‌گی بیرینچی رسمي بیاناتینی 2005-ییلده بېرگن شمالي کورېا، امریکا قوشمه ایالتلری نینگ برچه سعی-حرکتلریگه قره‌مه‌سدن بو قورالنی ایشلب چیقریش سیناولرینی دوام اېتتیردی. شیکاگو عالی بیلیم یورتی نینگ رمزي "قیامت کونی ساعتی"، شمالي کورېا حکومتی نینگ 2007-ییل 16-جنوریده عملگه آشیرگن اېنگ کوچلی هسته سیناویدن سونگ 1 دقیقه آلدینگه سوریلدی. شونده‌ی قیلیب، انسان مدنیتی نینگ هسته ای قیامت‌گه ینه بیر قدم یقینلشگنی ادعا قیلیندی.
2024-ییل 19-جنوریده تورکيه نینگ بیرینچی فضانوردی آلپر گېزرآ‌وچی نینگ فضا سیاحتی باشلندی. "تورک فضا وظیفه‌سی" دایره‌سیده بو وظیفه‌گه تنلنگن آلپر گېزرآ‌وچی، دراگون فضاو کېمه‌سی بیلن یېتیب بارگن خلق‌ارا فضا استیشنیده 18 کون قالدی. فضاده تورلی تجربه‌لرده اشتراک اېتگن گېزرآ‌وچی نینگ یېرگه قَیتیش سیاحتی 9-فبروریده ایچیده اوزی بولگن فضا کپسولی اتلانتیک اقیانوسیگه قونیشی بیلن یکونلندی.
تورک فوتبالی اوزی نینگ اېنگ یارقین سیمالریدن بیرینی 2012-ییلده یوقاتدی. فنرباغچه و تورک ملي فوتبال جماعه‌سی نینگ "اوردیناریوس" لقبی بیلن تنیلگن اونوتیلمس هجومچیسی لېفتېر کوچوک ا‌ندونیا‌دیس 2012-ییل 13-جنوریده وفات اېتدی. لفتر، انگلیسلر نینگ جهانگه مشهور "ورلد سکورر" مجله‌سی تامانیدن 20-عصرنینگ اېنگ بویوک 200 فوتبالچیسیدن بیری صفتیده کورسه‌تیلگن دیر.
