سوريه‌ده نقشه اوزگردی، ایندی انرژی منبعلری باشقه‌لر قولیگه اوته‌دی می؟
برنامه
سوريه‌ده نقشه اوزگردی، ایندی انرژی منبعلری باشقه‌لر قولیگه اوته‌دی می؟
سوريه لیک مخالفلر قریب 8 ییل اوتیب، ینه آلغه سیلجیش گه باشله‌دی. اوّل حلب رژیم کوچلریدن آلیندی، کېین مخالف کوچلر ترور تشکیلاتی پ ک ک/پی وای دی نینگ قولیده بولگن تل رفا‌ت منطقه سینی قولگه کیریتدی.
سوريه نینگ اساسي م-4 و م-5 قتناو یوللری قوشیلگن سراکب و حما هم مخالفلرنینگ کنترولی آستیگه اوتدی.
رژیم کوچلری و پ ک ک/وای پی جی کوپلب منطقه‌لرده قرشیلیک کورسه‌ته آلمه‌ی چېکینیشگه مجبور بولدی. شدّتلی توقنه‌شوولردن سونگ اَیریم منطقه لر مخالفلر تامانیدن باسیب آلیندی.
مخالفتلر نینگ آلغه سیلجیشی ترور تشکیلاتی پ ک ک/وای پی جی نینگ سوريه‌ده‌گی اېنگ مهم درآمد منبعی بولگن نفت و طبيعي گاز منبعلری حالتینی هم کون ترتیبیگه کیلتیردی.
خلق‌ارا راپورلرگه کوره، سوريه نینگ خام نفت ذخیره‌سی 2،5 میلیارد بوشکه نی تشکیل قیله‌دی.
اولکه ده ایچکی اوروشگچه مملکتده ییلیگه اورته‌چه 9 میلیارد متر مکعب طبيعي گاز ایشلب چیقریلماقده اېدی.
بو مقدارلر اونچه‌لیک کتّه بولمه‌سه-ده، سوريه نینگ ایچکی اوروشیدن آلدینگی احتیاجلرینی قاندیره‌دیگن درجه‌ده اېدی.
دَمشق رژیمی نینگ مملکتده‌گی ایچکی اوروشدن آلدین اېگه بولگن انرژی منبعلری و ایشلب چیقریش قوّتی نینگ کتّه قِسمی 2013-2015 ییللرده ترور تشکیلاتی داعش نینگ قولیگه توشدی.
داعش رقه، حمص و حسکه شهرلرینی، قاله ویرسه سوريه نینگ اېنگ ییریک نفت و طبيعي گاز کانلرینی اوز ایچیگه آلگن دیرالزورنی قولگه آلگندی.
2016 ییلگه کېلیب، امریکا قوشمه ایالتلری تامانیدن قوللب-قوّتلنگن ترور تشکیلاتی پ ک ک/وای پی جی انرژی ساحه‌لری نینگ کوپ قِسمینی اېگه‌للب آلدی.
سېته تشکیلاتی تامانیدن تیارلنگن «سوريه‌ده‌گی طبيعي منبعلرگه قرشی اوروش» ناملی راپوریگه کوره، ترور تشکیلاتی پ ک ک/وای پی جی تامانیدن اشغال قیلینگن فیرا‌ت دریاسی نینگ شرقیده جایلشگن «العمر ساحه سی» مملکت نینگ اېنگ کتّه انرژی منطقه‌سی حسابلنه‌دی.
دیرالزورده جایلشگن کانده ترور تشکیلاتی تامانیدن کونیگه اورته‌چه 80 مینگ بوشکه نفت ایشلب چیقریله‌یاتگنی تخمین قیلینماقده.
بوندن تشقری، دیرالزورده‌گی کافرا، ارفع، وارد، تانک، کوابی، کهار، شویتات کبی 10 دن آرتیق نفت کانلری هم پ ک ک/وای پی جی ترور تشکیلاتی تامانیدن اشغال قیلینگن.
راپورلرگه کوره، فقط اوشبو منطقه‌ده‌گی نفت کانلری مملکت نینگ برچه انرژی منبعلری نینگ 30 فایزینی تشکیل قیله‌دی.
خودّی شو راپورگه کوره، پ ک ک/وای پی جی ترور تشکیلاتی مملکت نینگ برچه انرژی منبعلری نینگ قریب تورتدن اوچ قِسمینی کنترول قیله‌یاتگنی تأکیدلنگن.
تخمینلرگه کوره، امریکا قوشمه ایالتلری باشقرووی نینگ قوللب – قوتلشی گه اېگه بولگن پ ک ک/وای پی جی ترور تشکیلاتی بو کانلردن ییلیگه تخمیناً 1،1 میلیارد دالر نفت درآمد آله‌دی.
ترور تشکیلاتی پ ک ک/وای پی جی و رژیم کوچلری حسکه‌ده نفت قدوقلرینی بیرگه‌لیکده کنترول قیلماقده.
نفت ایشلب چیقریش دوام اېته‌یاتگن رومیلان، سویدیه و قراچوک کانلریده 350 گه یقین کیچیک قودوقلردن هر کونی 30-35 مینگ بوشکه نفت قازیب آلینماقده.
ترور تشکیلاتی سوريه نینگ اېنگ ییریک طبيعي گاز ایشلب چیقریش کارخانه سی بولمیش کونوکونی هم اېگه‌للب آلدی. بو منطقه ده هر ییلی تخمیناً 1،4 میلیارد متر مکعب طبيعي گاز ایشلب چیقریلیشی تخمین قیلینماقده.
حاضرده مخالف کوچلرنینگ فرا‌ت دریاسی نینگ جَنوبی تامان حرکتلنیشی معلوم اېمس.
بیراق، مخالف کوچلرنینگ قول آستیده‌گی منطقه لرده ترور تشکیلاتی نینگ ترانسپورت یوللرینی بوتونله‌ی توسیب قویگنی اوچون ترور تشکیلاتی نینگ بوندن کتّه ضرر کوریشی کوتیلماقده.
