ایلازیغ قیزیلچه مرمری
برنامه
ایلازیغ قیزیلچه مرمری
رویخطگه آلیش سنه‌سی: 21.11.2022
تورکيه نینگ شرقي اناطولی حدودیده جایلشگن تاریخي ایلازیغ شهری، قیزیلچه رنگیگه یقین قیزیل رنگدن آلینگن "قیزیلچه مرمری" بیلن بوتون دنیاگه مشهور بولدی. رنگی و توزیلیشی بیلن دنیاده فقط اېلازغ نینگ اله‌جه‌قایا تومنیدن آلینه‌دیگن "اېلازیغ قیزیلچه مرمری" شهرده‌گی رسمي مؤسسه‌لر و کسب تشکیلاتلری نینگ همکارلیک عریضه‌سی بیلن 2022 ییلده تورکيه نینگ جغرافیک محصولاتلری قطاریگه قوشیلدی.
مرمر نینگ اساسي رنگی قیزیلچه‌نی اېسله‌تووچی قیزیل-بنفشه اره‌لش بولیب، اونینگ اوستیده آق رنگلی تامیرلر ترقه‌لگن. ایشلب چیقریش تاریخی جوده قدیمگه باریب تقیله‌دی و ایلازیغ قیزیلچه مرمری شهرنینگ اقتصادی گه مهم ا‌وریننی اېگه‌للب توره‌دی.
مرمر کانلردن بلاک یاکه ميده پارچه‌لرده آلینیب، دنیانینگ 4 قطعه‌سیده‌گی 60 مملکتگه صادر قیلینماقده. ایلازیغ قیزیلچه مرمری نینگ قوللنیش ساحه‌لری جوده کېنگ: ییریک سودا - ساتیق مرکزلری و بنالرنینگ یول قاپله‌مه‌سی، ایچکی و تشقی یوزه‌لرنی قاپلش و بېزه‌شده، اوی-جای آشخانه و حمّاملرنینگ بېزه‌گیده، کیچیک ساوغه بویوملرنینگ یسه‌لیشیده ایشله‌تیله‌دی. شونینگدېک، هیکلتراشلر و موزائک صنعتکارلری تامانیدن صنعت اثرلریگه ایلنتیریله‌دی.
