تینیس حقیده بیر یازوو
برنامه
تینیس حقیده بیر یازوو
سپورت نینگ دنیاده میلیونلب انسان نی اوزیگه جلب قیله دیگن کوپ تورلری بار. اینگ کوپ بیلینگنی و عامه نی هیجانگه سالگنی البته فوتبال. خصوصاً تیم درجه سیده بولسین یاکی ملی اویین شکلیده بولسین، خلق ارا فوتبال مسابقه لری، تریبونلرده مینگ لرچه، تلویزیون آلدیده ایسه میلیونلب کورووچی طرفیدن قیزیقیش بیلن کوزه تیله دی، لیکن بعضی خاص سپورت تورلری علاقه دار یاکی علاقه سیز کوپ سپورت سیور لرنینگ حیاتیگه رنگ قوشیش خصوصیتیگه ایگه. بولردن اینگ کوپ آلدینگه چیققن لردن بیری تینیس. یککه یاکی جفت بولیب اوینه له دیگن و اوینچی لرنینگ فعالیتی گه کوره رقابتلی و شونچه لیک ذوقلی پیت لرگه صحنه بوله دیگن تینیس سپورتی نینگ تاریخی انسانیت نینگ ایلک دورلریگه قدر باره دی.
...
بو سپورت توری نینگ کیلیب چیقیشی انیق بیلینمه سه هم، قدیمگی روم دوریده یلنغاچ قول یاکی قولقاپ بیلن اوینه لگن و "تریگون" دیب اتلگن اویین نینگ تینیس نینگ کیلیب چیقیشی ایکنلیگی ایتیله دی. ینه بیر ادعا ایسه هم قدیمگی مصر و یونان مدنیت لری دوریده هم مکسیکوده گی تولتیک ییرلیلری یشه گن دورده تینیس گه اوخشش اویین لر بارلیگی دیر. لیکن عمومن سپورت تاریخچی لری نینگ تینیس نینگ ایلک کشفی صفتیده کیلیشگن بیر دور بار، او هم 13-عصر دیر. او تاریخ لرده فرانسه ده باشده پادشاه بولیب اصلزاده لرنینگ کونگل آچر اویینی بولگن "آووچ ایچی اویینی" تینیس سپورتی نینگ زمانه‌وی دورده گی ایلک شکلی صفتیده قبول قیلینه دی. باشلنیشده قول بیلن اوینلگن بو اویین وقت اوتیشی بیلن رکیتکه اوخشش آلت لر بیلن اوینه له باشله گن، لیکن قاعده لری نینگ بیلگیلنیشی 19-عصرده و انگلستان ده بولگن.
...
زمانه‌وی معناده تینیس سپورتی نینگ توغیلیشیگه انگلیسلرنینگ ملی اویینی حسابلنگن کریکیت و وولکانیزه لاستیک نینگ کشف ایتیلیشی یاردم بیردی. انگلیس اردوسیده افسر صفتیده خذمت قیلگن مایور والتیر کلاپتون وینگفیلد، کریکیت دن الهام آلیب اویینده توپ نی قرشی آلیش اوچون رکیت قوللنیشنی تکلیف قیلگن و ایلک چیم تینیسینی ایجاد ایتگن شخص صفتیده بیلینه دی، لیکن وینگفیلد ایلک سیناوولریده تخنیک بیر مسأله گه دوچ کیلگن. تینیس نینگ ایلک وقت لریده قوللنیلگن ساده توپ لر چیمده ییترلیچه سیکره مه یدی، قرشی آلیش و تورنینگ اوستیدن اوتکزیش انچه قیین بوله دی. تینیس توپی یسشده قوللنه آله دیگن ینگی بیر ماتریال ایزله گن مایور وینگفیلد، چاره نی آلمان ده تاپگن و بو ییردن مخصوص کیلتیرگن لاستیک توپ لرنی قوللنیب تینیس سپورتیده ینگی بیر دورنینگ هم ایشیگینی آچگن. لاستیک تینیس توپی و تورلری نینگ ساتووینی هم باشله گن وینگفیلد، ینگی اویینی نینگ ایلک قاعده لرینی اوز ایچیگه آلگن کتابچه نی یازگن و "سفیریستیکی" آتی بیلن پاتینتینی هم آلگن. قاعده لری انیقلشگن تینیس انگلیسلر آره سیده قیسقه وقتده مشهور بیر سپورت بولگچ 1877 ییلده ویمبلدون ده 22 مسابقه چی نینگ قتنشگنی ایلک تینیس بیلله شووی اویوشتیریلگن.
...
بوگونگی کونده خلق ارا تینیس فدراسیونی نینگ هر خیل مملکت لرده اویوشتیره دیگن تدبیرلری بو سپورتگه کونگل بیرگن سپورتچیلر و کورووچی لرنی تینیس کورت لریده اوچرشتیره دی. یککه یاکی جفت بولیب اوینه له دیگن 4 کتته بیلله شوو ایسه تینیس نینگ چوققیسی صفتیده قبول قیلینه دی. هه ایرکک هه عیال بولسین سپورتچی لر، فرانسه رولاند گاروس، امریکا و اوسترالیا آچیق هم ده تخمینن 150 ییلدن بویان چیم کورت لرده اوینه له دیگن ویمبلدون تینیس بیلله شوولریده قهرمان بولیش نینگ، "گراند سلم" اوتیش نینگ خیالینی قوره دی. کورت لرنینگ تریبون لریده مینگلب، تلویزیون قاشیده ایسه میلیون لب کوروچی نینگ کوزلرینی بیر آن هم اوزمه سدن کوزه ته دیگن تینیس، کریکیت و لاستیک نینگ یاردم بیرگن تصادفی بیر اختراع بولیشدن تشقری، شخصی کوره ش، انتظام و غیرت نینگ انسان نی آلیب باره آله دیگن نقطه نی کورستیشی جهتیدن حیاتیمیزگه رنگ و معنا قوشه دیگن بیر اویین دیر. بو اویین نینگ چوققیسیده جای آلگن اسم لر هم فقط تینیس ایمس سپورت تاریخیگه هم اسم لرینی آلتین حرف لر بیلن یازدیرگن
