قویاش انرژیسی انسانیت گه امید بولگن می؟
برنامه
قویاش انرژیسی انسانیت گه امید بولگن می؟
دنیانی یاروغ قیله دیگن قویاش، مدنیت لر و تاریخ نینگ شکل لنیشیده همیشه اینگ مهم عامل بولدی. ایکین داگی بغدای دن کوچه داگی آدم گچه، یر یوزیده یشه یدیگن هر بیر جانلی قویاش نینگ تویدیره دیگن کوچیگه محتاج حالت ده...
بیراق، صناعت انقلابی بیلن انرژیگه بولگن احتیاج نینگ آرتیشی نه‌فقط قویاش نینگ ایسیتووچی تامانینی، بلکه انرژی ایشلب چیقریش صلاحیتینی هم آچیب بېردی.
قویاشدن الکتریک انرژیسی ایشلب چیقریش تاریخی 1839 ییلگه باره‌دی. بونگه فرانسیز عالِمی اېدماند بېککېرېل تامانیدن اساس سالینگن نظریه، بیرینچی مرته 1954 ییلده او اوستیده آلیب باریلگن تدقیقاتلر نتیجه‌سیده سوداده اوز عکسینی تاپگن. بیرینچی قویاش بطری‌لری 1954 ییلده امریکا قوشمه ایالتلریده ایشلب چیقریلگن.
قویاش انرژیسی تورکيه نینگ کون ترتیبیگه 1970-ییللرده کیریب کېلگن. دنیاده قویاش انرژیسی تکنالوژيسیده‌گی اوزگریشلرگه قره ب عالی بیلیم یورتلری، دولت و خصوصي سکتورلر تامانیدن هم کتّه حصه قوشیلدی.
قویاش انرژیسی بوییچه بیرینچی ملي کنگره 1975 ییلده ایزمیرده بولیب اوتدی. 1975 ییلده یقین شرق تخنیک عالی بیلیم یورتیده بیرینچی پسیف قویاش انرژیسی دستوری ایشلب چیقیلدی.
تورکيه اوزی نینگ جیوگرافیک جایلشووی جهتیدن سېزیلرلی درجه‌ده قویاش انرژیسی صلاحیتیگه اېگه... تورکيه انرژی وزیرلیگی تامانیدن تیارلنگن قویاش انرژیسی ظرفیتی اطلسی (GEPA) معلوماتلریگه کوره، توپلم قویاش نورلری کونلیک 7،5 ساعت، ییلیگه 2 مینگ 737 ساعتنی تشکیل قیله‌دی.
خودّی شو اطلس گه کوره، تورکيه‌ده تأمینلنه‌دیگن ییللیک توپلم قویاش انرژیسی 1 مینگ 527 kWh/m² و کونلیک مقداری 2 kWh/m² اېکنلیگی انیقلندی.
بو معلوماتلرگه کوره سرمایه‌لر هر کونی آرتیب بارماقده... 2024-ییل اگوست آیی آخریگه کېلیب تورکيه نینگ اورنه‌تیلگن قوّتی 113.932 میگاواتگه یېتدی.
قَیته تیکلنه‌دیگن انرژی 2024 ییل اگوست آیی آخری حالتیگه کوره اورنه‌تیلگن قوّتنی منبعلر بوییچه تقسیملشده مهم ا‌ورین توته‌‌دی.
اوشبو انرژی نینگ تخمیناً 42 فایزی فوسیل یاقیلغیلر تامانیدن تأمینلنسه، قَیته تیکلنه‌دیگن انرژی اولوشی دېیرلی 60 فایزنی تشکیل قیله‌دی.
الکتریک انرژیسی نینگ 28،3 فایزی هیدر‌ولیک، 10،8 فایزی شمال، 1،5 فایزی جېوتېرما‌ل انرژی منبعلری حسابیدن تأمینلنه‌دی.
قَیته تیکلنه‌دیگن انرژیده اېنگ مهم ایشلب چیقریش منبعلریدن بیری قویاشدیر... تورکيه الکتریک انرژیسی نینگ 16،2 فایزینی قویاش انرژیسیدن آله‌دی. بوندن تشقری، تورکيه‌ده توپلم 29 مینگ 163 نفر قویاش الکتریک ستشنی موجود.
بیراق، موجود ظرفیتدن اېنگ یوقاری درجه‌ده فایده‌لنیش اوچون تورلی خیل علاوه‌لر هم قانونی آست توزیلمه‌گه اېگه بولدی. بولرگه سوزووچی قویاش الکتریک ستشن‌لری کیراه دی.
تورکيه نینگ سوزووچی قویاش انرژیسی صلاحیتی تخمیناً 80 مینگ مېگا‌وات دېب حسابلنماقده.
اورنه‌تیش اوچون توپراق یاکه قتّيق زمین طلب قیلمه‌یدیگن سوزووچی قویاش الکتریک توربین‌لرینی جایلشتیریش اوچون تینچ دېنگیز ساحه لری، هیدروالکتریک توربینلرنینگ سوو ذخیره لری و ایچیملیک سووی همده آتیلغی سوولر توپلنه‌دیگن صنعي کوللر یېترلی.
سوزووچی قویاش الکتریک ستشن‌لری سوو حوزه‌لری جایلشگنلیگی سببلی قیشلاق زراعت، صناعت یاکه تجارت یېرلریده قوللنیله‌دیگن قویاش الکتریک استیشن‌لری بیلن رقابتلشمه‌یدی. یېر و تامنی طلب قیله‌دیگن باشقه قویاش الکتریک توربین‌لری بیلن قیاسله‌گنده، اولر اهالی کوپ بولگن تورر جایلرنینگ یقینیده اورنه‌تیلیشی ممکن.
یېرگه اساسلنگن پنېللر بیلن قیاسله‌گنده، سوزووچی قویاش الکتریک توربین‌لری دینا‌میک حرکتنی تأمینله‌یدی و سایه‌گه تابع بولمسدن ایشلشی ممکن. سوزووچی قویاش الکتریک استیشن‌لریده چنگ و کیرنی اوشلب قالیش نینگ جوده قویی درجه‌ده بولیشی ثمره‌دارلیک نینگ کمه‌ییشینی آلدینی آله‌دی.
بو سرمایه‌لرنینگ برچه‌سی بیلن تورکيه نینگ قویاش انرژیسی قوّتی کېلگوسی 10 ییل ایچیده 500 فایزگه آرتیب، تخمیناً 53 گیگا‌واتگه یېتیشی کوتیلماقده. شونده‌ی قیلیب، قویاش انرژیسی الکتریک انرژیسی ایشلب چیقریش نینگ اېنگ مهم منبعیگه ایلنیشی رېجه‌لشتیریلگن.
دنیا هر ییلی قویاش انرژیسیگه سرمایه کیریتیش‌لرنی کوپه‌یتیرماقده.
2023 ییلده بوتون دنیا بویلب ایشلب چیقریلگن الکتریک انرژیسی نینگ 5،5 فایزی قویاش انرژیسی حسابیگه تأمینلنگن. قویاش انرژیسیدن فایده‌لنیش 23،2 فایزگه آشدی. گلوبا‌ل الکتریک انرژیسی ایشلب چیقریشده‌گی اېنگ کتّه ییللیک اوسیش قویاش انرژیسی صفتیده بېلگیلندی.
چین 306 مینگ 973 MW ایشلب چیقریش بیلن قویاش انرژیسی ایشلب چیقریشده بیرینچی ا‌ورینده.
اونینگ آرتیده 95 مینگ 209 MW بیلن امریکا قوشمه ایالتلری و 74 مینگ 191 MW بیلن جاپان توریبدی. بو دولتلردن کېین آلمان، هندوستان، ایتاليا، اوسترا‌ليا و جَنوبي کورېا توره‌دی. تورکيه قویاش انرژیسیدن الکتریک انرژیسی ایشلب چیقریش بوییچه بیرینچی 20 ته دولت آره‌سیدن جای آلگن.
