تورکیه گه خاص بیر شوروا حقیده بیر یازوو
برنامه
قیصری قورغاشیم آشی شورواسی
تورکیه نینگ ایچکی منطقه سیده جایلشگن قیصری ولایتی نینگ اوزاق و ساووق بولیب اوتگن قیش فصلی اوچون تورلی محصولدن یوزه گه چیقریلگن ییمک مدنیتی بیلن تن آلینماقده. قیصری تجارت اتاقی نینگ مراجعه سیگه بناً 2021 ییلی تورکیه نینگ ثبت قیلینگن جغرافی محصوللری قطاریگه کیریتیلگن "قورغاشیم آشی شورواسی" بو ییمکلردن بیرته سی دیر.
قیصری قورغاشیم آشی شورواسی، کوفته‌لیک یرمه و ایرمیک بیلن تیارلنگن یرمه کوفته‌لری و قوزی گوشتی، قوروق نخود، یشیل دال نخود، قوروق پیاز، روب و تورلی نرسه‌لر قوللنیلیب تیارلنگن قویوق قوامدگی بیر شوروادیر. هر موسمده استعمال قیلینسه هم، ایچیده‌گی ترکیبلرنینگ کوپلیگیدن طفیلی عموماً قیش آیلریده تنلنه‌دی. آتینی هم تیارلنیشیده کوپ تورلی نرسه قوللنیلگنی اوچون شوروا کاسه‌سی‌نینگ قورغاشیمدېک آغیر بولیشیدن آلگن.
عموماً ۶ یاکی ۸ کیشیلیک قیلیب تیارلنگن شوروا اوچون اوّل، ۲ سو پیاله سی بیلن یرمه گه بوغدای اونی، ایرمیک، تخم، قلمپیر روبی و توز قوشیلیب کیچیک دانه‌لی یرمه کوفته‌سی حاضرلنه‌دی. یرمه کوفته‌لری بیر-بیریگه یاپیشمسلیگی اوچون آلدین اونلنگن بیر ایدیش گه تیریلیب شوروا سوویگه قوشیش اوچون ساقلنه‌دی. شوروا سووی ایسه، قوزی گوشتی، پیاز، سویوق یاغ، پومه دور و قلمپیر روبی، قیزیل قلمپیر و زیره بیلن تیارلنه‌دی. ۱۵ دقیقه قینه تیلگن شوروا سوویگه یرمه کوفته‌لری، قینه تیلگن نخود و یشیل دال نخود قوشیله‌دی و قاریشمه ۲۰ دقیقه ینه پست اوتده قینه تیلیشگه داوام ایتیله‌دی. پیشیریش ایشی‌نینگ توگشیدن کېین ۳۰ دقیقه‌گچه دم بیریلگن قیصری قورغاشیم آشی شورواسی اوستیگه قوروق نعنا سېپیلیب ایسسیق حالده یییله‌دی.
