هیتیتلر مدنیت جهتیدن قرداشلریمیزدن عبارت
اولر دن قالگن عنعنه لر حاضرگی کونده هم انادولوده دوام ایتماقده
تاریخی بیر موضوع حقیده سوز یوریته میز بوگون عزیز دوستلر. هیتیتلر مدنیت جهتی دن بیز نینگ قرداش لری میزدن عبارت زیرا دیب باشله یمیز بوگون.
هیتیتلر میلاد دن آلدین 1600 - الی 1200 - ییل لری آره سیده انادولو نینگ بویوک بیر بولمیده حاکمیت قیلیب کیلگن کوچلی بیر مدنیتدن عبارت. مصر بیلن بولگن قرداش اوروشی نتیجه سیده امضالنگن قرداش معاهده سی تاریخ نینگ ایلک یازمه معاهده سی نی تشکیل ایتماقده. پایتخت لری هتتوشه, یعنی حاضرگی کونده تورکیه نینگ چوروم ولایتی نینگ بوغاز کوی منطقه سیدن عبارت بولگن هیتیتلر ایلغار بیر مدنیت و بای بیر طعام فرهنگی گه ایگه بولیب کیلگن. حاضرگی کونده هم, هیتیتلر نینگ کوپلب عنعنه لری دوام ایتماقده.
آرکیولوژیک تدقیقاتلردن آلینگن تاپیلمه لر، هیتیتلر نینگ طعامله نیشگه کتته اهمیت بیرگنینی کورسه تماقده. طعامله نیش بیلن باغلیق قاعده لر، اولرگه رعایه قیلمه گنلر گه بیریله دیگن قتتيق جزالر و طعام نسخه لری هیتیتلر تامانیدن یازیب قالدیریلگن معلوماتلر قطاریده اورین ایگلله ماقده. هیتیتلر حبوبات، گوشت و تورلی خیل اوسیملیکلردن فایده له نیب طعاملر تیارلب کیلگن. حاضرگی کونده هم بونگه اوخشش طعام لر انادولو ده اوز موجودیتی نی دوام ایتتیرماقده. اینیقسه بوغدای، ارپه، نخود و یسمیق کبی هیتیتلرنینگ فایده لنگن نرسه لردن حاضرگی کونده هم انادولوده استفاده ایتیلماقده.
هیتیتلردن قالگن لای تابلیت لرده اونلب خیل نان حقیده معلومات موجود. اوشبو نان لر حاضرگی کونده هم انادولو نینگ مهم غذا لریدن بیری نی تشکیل ایتماقده. هیتیتلرنینگ ایریم نان خیل لری گه گوشت و بعضی اوسیملیک لر هم قویگن لیگی بیلینماقده. حاضرگی کونده انادولوده پشیریله یاتگن تندیر نان لر هیتیتلرنینگ طعامله نیش طرزی نینگ ایزلرینی عکس ایتتیرماقده. عینی دمده, منتو کبی باشقه طعام لر هم هیتیت مدنیتی نینگ دوامی دیک کورینماقده.
حاضرگی کونده هم انادولوده دوام ایتیاتگن کباب و کوفته کبی طعام لر هیتیتلرنینگ طعاملری نینگ ایزلرینی تاشیماقده. عینی دمده هیتیتلر طعام لرنی مزه لی قیلیش اوچون فرقلی مرچ و مصاله لردن استفاده ایتماقده ایدی. حاضرگی کونده هم اوشبو میتود دن انادولو ده فایده له نیلماقده. هیتیتلر نینگ باشقه بیر خصوصیتی ایسه مراسم طعام لری دن عبارت ایدی. هیتیتلر دینی و اجتماعی مراسم لر اوچون کینگ کولملی دعوت لر ترتیب له ماقده ایدی. خوددی شوو مراسملرده مهمان لر گه تارتیق قیلینه دیگن طعام لر جمعیت لرنینگ بیر آره ده یشش تویغوسینی مستحکم له ماقده ایدی. انادولوده توی لر, بیره م لر و باشقه خاص کونلرده مهمان لر گه طعام تارتیق قیلینیشی نینگ اوزی نینگ هم اوشبو عنعنه لرنینگ بیر انعکاسی اوله راق بهالنتیریلیشی ممکن.
