تورکیه بیلن مصر اورته سیده گی مناسبتلر و انرژی

مصر جمهوررئیسی عبدالفتاح السیسی, تورکیه جمهوریتی جمهوررئیسی رجب طیب اردوغان نینگ دعوتی گه بناً بیرینچی مراتبه رسمی بیر سفر بیلن تورکیه گه تشریف بویوردی.  شونده ی قیلیب, 12 ییللیک بیر آره دن کیین مصردن جمهوررئیس سویه سیده بیر کیشی تورکیه گه سفر قیلگن بولدی. 

اوچره شوولرنینگ اساسی کون ترتیبی اسرائیل نینگ بیر نیچه آی دن بیری غزه ده دوام ایتتیریاتگن هجوملریدن عبارت بولدی البته که.  جمهوررئیس اردوغان, "تورکیه و مصر, فلسطین مسئله سی بوییچه اورتاق بیر سیاست گه ایگه.  11 آیدن بیری دوام ایتیاتگن قیرغین نینگ توخته تیلیشی, زودلیک بیلن قالووچی بیر آتشکیسین نینگ اورنه تیلیشی و بشری یارد لرنینگ توسیقسیز ییتکزیب بیریلیشی اولویتی میزدن عبارت بولیش گه دوام ایته دی" دییه قید ایتدی. 

مصر جمهوررئیسی السیسی هم, انقره بیلن قاهره نینگ فلسطین مسئله سی بوییچه مشترک ایشلری نینگ اهمیت گه ایگه ایکن لیگینی بیلدیردی. 

السیسی, "تورکیه و مصر اوله راق زودلیک بیلن آتشکیسین نینگ اورنه تیلیشی, غربی نوارده اشغال نینگ اداققه ییتیشتیریلیشی و فلسطین نینگ میلادی 1967- ییل چیگره لری ایچیده, پایتختی بیت المقدسدن عبارت بولگن دولت قوریش حقی باره سیده بحث ایتدیک.  غزه گه بشری یاردم لر نینگ ییتکزیب بیریلیشی اوچون قولی میزدن کیلگن برچه ایشلر نی قیلماقده میز" دییه قید ایتدی. 

اوچره شوو لرنینگ باشقه مهم بیر موضوعی, ایکله اولکه اورته سیده گی اورتاق پروژه لر گه اهمیت بیریلیشی و تجارت حجمی نی آرتیریشدن عبارت بولدی. 

جمهوررئیس اردوغان اوشبو توغریده بیرگن بیاناتیده, "صنایع, تجارت, مدافعه, ساغلیق نی سقلش, اطراف- محیط و انرژی داخل برچه ساحه لر بوییچه همکارلیگی میز نی آرتیریش نی تائید ایتدیک.  تجارت و اقتصاد همکارلیگی میز نینگ اینگ کوچلی تامانی نی تشکیل ایتماقده.  سونگّی 10 ییلده مصر نینگ ایلک 5 تجارت اورتاغی بولیش گه دوام ایتتیردیک.  تجارت حجمی میز نی کیلگوسی 5 ییلده 15 میلیارد دالر گه کوتریش بوییچه هدفی میز تامان قرارلی بیر شکلده آلغه کیتماقده میز" دییه قید ایتدی. 

اوشبو دایره ده مصر بیلن تورکیه اورته سیده فرقلی ساحه لر بوییچه 17 کیلیشوو امضالندی. 

تامان لر آره سیده تورکیه جمهوریتی حکومتی بیلن مصر عرب جمهوریتی حکومتی اورته سیده انرژی ساحه سیده کیلیشوو امضالنگن وضعیتده. 

مصر بیلن تورکیه اورته سیده انرژی ساحه سی بوییچه همکارلیک نیمه اوچون مونچه لیک اهمیت گه ایگه؟ اوشبو سئوال گه جواب تاپیش اوچون تقریباً 7 ییل آلدینگی وضعیت نی تیکشیریب چیقیش کیره ک. 

میلادی 2017- ییلده مصر بیلن آتن رهبریت لری اورته سیده, دینگیز صلاحیت ساحه سی نینگ انیقله نیشی بوییچه کیلیشوو امضالندی.  بیر تامانلمه بولگن اوشبو کیلیشوو تورکیه تامانیدن تن آلینمه دی. 

تورکیه ایسه میلادی 2019- ییلده لیبیا بیلن دینگیز صلاحیت ساحه لری بوییچه کیلیشوو امضاله دی. 

شونده ی قیلیب آتن و جنوبی قبرس روم رهبریتی تورکیه نینگ اجازتی بولمسدن شرقی آقدینگیزده هیچ قنده ی بیر ایش قیله آلمه یدیگن وضعیت گه کیلدی. 

اوشبو دایره ده, قبرس ارالی آرقه لی یونان گه باریشی ریجه لنگن یورومید طبیعی گاز قووری پروژه سی هم تطبیق ایتیله آلمه یدیگن بیر وضعیت گه کیلیب قالدی.  امریکا قوشمه ایالتلری نینگ اوشبو کیلیشوو نی حمایت قیلمس لیگی بیلن پروژه بوتونله ی کنسل قیلینگن بولدی. 

خوددی شوو وضعیت نینگ اوزی تورکیه نینگ جدل روشده اقدام قیلیشی گه هم سبب بولدی. شرقی آقدینگیزده دواملی بیر وضعیت گه کیتیریلگن سیسمیک هایدروکاربن قیدیریش ایشلری, منطقه نینگ اینگ مهم اولکه لریدن بیری بولگن مصر نینگ هم تورکیه نینگ ایچیده بولمه گن بیر پروژه نینگ تطبیق ایتیلیشی حقیده سئوال بیریشی گه سبب بولدی. 

دیپلماتیک منبع لر گه کوره, ایکله اولکه اورته سیده گی مناسبت لرنینگ جدل روشده توزه لیشی منطقه نینگ کیله جگی جهتی دن کتته اهمیت گه ایگه. 

انقره بیلن قاهره اورته سیده باشله گن بحران آرتیدن مناسبت لرنینگ توزه لیشی بوییچه فعالیت لر, جوده یخشی بیر شکلده آلغه کیتدی.  تامان لردن کیلگن ایجابی پیام لر آرتیدن, تورکیه دن مصر گه میلادی 2013- ییلدن سونگ بیر وزیر سفر قیلدی.  اوشبو دایره ده اوشه دور نینگ مالیه وزیری نورالدین نباتی میلادی 2022- ییل جون آییده اسلام رواجله نیش بانکی نینگ ییللیک ییغیلیشیده اشتراک قیلیش اوچون قاهره گه تشریف بویوردی.  تورکیه جمهوریتی جمهوررئیسی رجب طیب اردوغان بیلن مصر جمهوررئیسی عبدالفتاح السیسی ایسه میلادی 2022- ییل نوامبر آییده جهان قهرمانلیک مسابقه لری دایره سیده صحبت قیلدی. 

جمهوررئیس اردوغان میلادی 2024- ییل 14- فبروری کونی رسمی بیر سفر بیلن مصر گه تشریف بویوردی.  اوشبو دایره ده ایکله اولکه اورته سیده گی همکارلیک نی آرتیریش اوچون کوپلب سند لر امضالندی. 

السیسی نینگ بیر نیچه کون آلدین تورکیه گه تشریف بویوریشی بیلن ایسه انقره بیلن قاهره اورته سیده گی مناسبت لر بوتونله ی عادی بیر وضعیت گه کیلدی. 

بوندن کیین, انقره بیلن قاهره اورته سیده اینیقسه انرژی بوییچه یوقاری سویه لی همکارلیک بولیشی کوتیلماقده. 

اولویتده بولگن نرسه, تامان لر نینگ دینگیز صلاحیت ساحه لری بوییچه مفصل مذاکره اوتکزیشی و تورکیه بیلن مصر نینگ شرقی آقدینگیزده همکارلیک قیلیشی دن عبارت.