تورکیه گه خاص بیزه کلی مس بویوملر حقیده قیسقه معلومات

تورکیه نینگ آقدینگیز منطقه سی نینگ شرقی انادولو منطقه سی بیلن کیسیشمه سیده جایلشگن و اوشبو اولکه نینگ ملی نجات اوروشیده اوزی گه خاص بیر اهمیت گه ایگه بولگن قهرمان ولایتیده ایشلب چیقریلیاتگن "ماراش بیزه کلی مس بویوم لر" خوددی شوو ولایت نینگ تجارت اتاق لری نینگ طلبی گه بناً میلادی 2023- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  جوده یوقه مس دن تیارله نیب بیزه تیله دیگن "ماراش بیزه کلی مس بویوملر" ایشلب چیقره دیگن کیشی لرنینگ جوده تجربه لی بولیشی کیره ک.  خوددی شوو تجربه لی کیشی لر یوقه مس نی یغاچ دن تیارلنگن توقماق بیلن توییب شکل بیریب یسه یدی اوشبو بویوملرنی.  توییلیب قتتیق حالگه کیتیریلگن مس, یاریلمس لیگی و آسان شکل بیریلیشی اوچون بعضاً جوده یخشی یانگن آلاو نینگ اوستی گه قوییلیب یومشاق بیر وضعیت گه کیتیریله دی. اوشبو بویوم لرنینگ قول توته دیگن جایی کوپینچه تیمیر و برنج کبی نرسه لردن تیارله نه دی.  محصولات نینگ خواهلنگن شکلنی کسب ایتیشی آرتیدن بیزه ک ایشلری عملگه آشیریله دی.  اینگ سونگ پارله تیله دیگن اوشبو محصولات قزان, تاوه, چاینک, قهوه سیتیو جک کبی بویوم لر اوله راق ساتیلماقده.