Erdo’g’an Ostonada Ozarbayjon prezidenti Ilhom Aliyev bilan uchrashdi
Turkiy Davlatlar Tashkilotining 10-Sammiti doirasida bo'lib o'tgan Uuchrashuv matbuotga yopiq eshiklar ortida bo'lib o'tdi.
Turkiya prezidenti Rajab Tayyip Erdo’g’an Turkiy Davlatlar Tashkilotining 10-Sammiti bo'lib o'tadigan Ostona shahrida Ozarbayjon prezidenti Ilhom Aliyev bilan uchrashdi.
Uchrashuv matbuotga yopiq eshiklar ortida bo'lib o'tdi.
Ma'lumki, bugun 3-noyabr kuni Qozog‘iston poytaxti Ostona shahrida Turkiy davlatlar tashkilotining (TDT) 10-sammiti boshlanadi. Ushbu tadbir “Turkiy davr” shiori ostida o‘tkaziladi.
Sammitda Qozog‘iston Prezidenti Qosim-Jomart To‘qayev bilan birga Turkiya Prezidenti Rajab Tayyip Erdo‘g‘an, Ozarbayjon Prezidenti Ilhom Aliyev, Qirg‘iziston Prezidenti Sadir Japarov va O‘zbekiston Prezidenti Shavkat Mirziyoyev ishtirok etadi.
Sammitga kuzatuvchi davlatlar rahbarlari sifatida Turkmaniston Xalq kengashi raisi Gurbanguli Berdimuhamedov va Vengriya Bosh vaziri Viktor Orban taklif etilgan.
Qayd etilishicha, sammitda Ostona akti va Ostona deklarasiyasi imzolanishi, iqtisod, savdo, transport, bojxona, moliya, ta’lim, turizm, madaniyat va hokazo sohalarda bir qator muhim qarorlar qabul qilinishi kutilmoqda.
