Istanbul aeroportida AQSh konsulligi xodimi qo‘lga olindi
Turkiyada AQSh fuqarosi, Amerikaning Bayrutdagi konsulligi xodimi Germaniyaga uchib ketish uchun Suriya fuqarosiga pasportini sotib yuborganlikda gumonlanib hibsga olindi.
Turkiyada AQSH fuqarosi, Amerikaning Bayrutdagi konsulligi xodimi Germaniyaga uchib ketish uchun Suriya fuqarosiga pasportini sotib yuborganlikda gumonlanib hibsga olindi.
Bu haqda Istanbul xavfsizlik boshqarmasi xabar berdi.
“11 noyabr kuni Istanbul aeroportida pasport nazorati o‘tkazilganda Suriya fuqarosi R.S. boshqa shaxsning pasportini ko‘rsatib, Germaniyaga uchib ketmoqchi bo‘lgani aniqlandi. Tekshiruv jarayonida pasport Bayrutdagi Amerika konsulligi xodimi, AQSH fuqarosi D.J.K. ga tegishli ekanini ma’lum bo’ldi”, deyiladi xabarda.
Qayd etilishicha, ikki shaxs Istanbul aeroportida uchrashib, bir-birlarining kiyimlarini almashtirgan, shundan so‘ng Amerika diplomatik missiyasi xodimi o‘z pasportini suriyalikka 10 ming dollar evaziga topshirgan. Tintuv chog‘ida pul solingan konvert ham topilgan.
Har ikki gumonlanuvchi qo‘lga olingan. Keyinchalik sud AQSH fuqarosini hibsga olgan, suriyalik esa ketmaslik to‘g‘risida tilxat olib qo‘yib yuborilgan.
Aloqador xabarlar
Hakan Fidan Niderlandiya bosh vaziri bilan uchrashdi
Turkiya tashqi ishlar vaziri Hakan Fidan Niderlandiyaga tashrif buyurdi.