Fatih Doʻnmez Ilhom Aliyev tomonidan qabul qilindi

Energiya va tabiiy manbalar vaziri Fatih Doʻnmez, amaliy tashrif bilan borgan Ozarbayjonda Prezident Ilhom Aliyev tomonidan qabul qilindi.

Ozarbayjonning Prezidentlik apparati Matbuot xizmati tomonidan mavzu haqida berilgan bayonotga koʻra, qabul chogʻida Ozarbayjon va Turkiya oʻrtasidagi doʻstlik va qardoshlik munosabatlarining har tarmoqda izchil rivojlanib borayotgani ta’kidlangan holda, energiya sohasidagi hamkorlikning avvalgi yillarda boʻlganidek bundan keyin ham davom etayotganidan mamnun ekanliklari ifoda etilgan.

Ozarbayjon bilan Turkiya oʻrtasida birgalikda amalga oshirilgan global energiya loyihalarining ahamiyati ham ta’kidlangan qabulda, Doʻnmez uyushtirgan tashrifning energiya sohasidagi hamkorlik istiqbollarini muhokama qilish jihatidan yaxshi imkoniyat ekani qayd etilgan.

Uchrashuvda bugun Bokuda birinchi marotaba boʻlib oʻtadigan Ozarbayjon-Turkiya Energiya forumining, ikki davlat oʻrtasida yoʻlga qoʻyilgan energiya sohasidagi hamkorlikni kengaytirish, yangi yoʻnalishlarni belgilab olish va muayyan loyihalarni muhokama qilish uchun yangi platforma ekani ifoda etilgan.

Fatih Doʻnmez bugun poytaxt Bokuda uyushtirilgan Birinchi Ozarbayjon-Turkiya energiya forumida ishtirok etadi.

Doʻnmezning kechagi dasturida oʻrin olgan Sangachal terminaliga boʻlgan tashrifi bekor qilindi.