Turkiya Isroil sudi qabul qilgan qarorni keskin qoraladi
Turkiya Isroil sudi tomonidan qabul qilingan Al-Aqsa jome' masjidi haqidagi qarorni keskin qoraladi.
Turkiya Isroil sudi tomonidan qabul qilingan va yahudiylarning Al-Aqsa jome’ masjidida “jimgina” ibodat qilish haqqi borligini iddio etgan qarorini keskin qoraladi.
Tashqi Ishlar vazirligi Isroil sudi tomonidan qabul qilingan qaror haqida bayonot berdi.
Qarorni keskin qoralagan ushbu bayonotda:
“Isroil sudi tomonidan qabul qilingan va yahudiylarning Al-Aqsa jome’ masjidida jimgina ibodat qilish haqqi borligini iddio etgan qarorni keskin qoralaymiz.
Bu qaror Al-Aqsa jome’ masjidini oʻz ma’nosi va mazmunidan mahrum qilishga uringan fanatik muhitni yana-da jasoratlantirishi va yangi tarangliklarga yoʻl ochishi mumkin. Mana shular e’tiborga olinishi kerak edi”.-degan ifodalarga oʻrin berildi.
Vazirlik, bayonoti yakunida xalqaro hamjamiyatga murojaat qilib:
“Xalqaro hamjamiyatni bu notoʻgʻri, noqonuniy, xavfli qaror va Al-Aqsa jome’ masjidini nishonga olgan har qanday provokatsiyaga qarshi turishga chaqiramiz”.-deyildi.
Aloqador xabarlar
Prezident Erdo‘g‘an bolalarni qabul qildi
Bugun Turkiyaning to‘rt burchagida bolalar bayrami nishonlanmoqda.