Prezident Erdo‘g‘an: “Janubiy Kipr hech qachon to‘g‘ri munosabatda bo‘lmadi”.
Prezident Rajap Tayyip Erdo‘g‘an Jenevadagi Kipr muzokarasi haqida bayonot berdi.
Prezident Rajap Tayyip Erdo‘g‘an Shveytsariyaning Jeneva shahridagi Kipr muzokarasi haqida,
“Janubiy Kiprga ishonmayman. Ular hech qachon to‘g‘ri munosabatda bo‘lmadi”. - dedi.
Erdo‘g‘an Istanbulda mavzu haqida bergan bayonotida:
“Mana endi 2 - 3 oydan keyingiga qoldirildi va men yana natija olinmaydi degan fikrdaman. Chunki yaxshi niyatli emaslar. Yolg‘on gapirdilar, natijada uyushtirilgan referendumni ham nazar - pisand qilmadilar. Bugungi kunga kelib yana bir xil munosabatdalar. To‘g‘ri munosabatda bo‘lganlarida bizdan munosib muomalani ko‘radilar. Aks holda kelisholmaymiz”. - deya gapirdi.
Rajap Tayyip Erdo‘g‘an, Turkiyadagi yangi turdagi koronavirusga (Covid - 19) ga qarshi davom etgan emlash jarayoni haqida esa:
“Vaksina olib kelishda biron - bir muammoga duch kelishimizga ishonmayman. Qo‘limizda yetarli miqdorda vaksina bor. Rossiya bilan yo‘lga qo‘yilgan uchrashuvlarimiz natijasida Sputnik V vaksinasi Xudo xohlasa kelyapdi, keladi”. - degan ifodalarga o‘rin berdi.
Biontech vaksinasi olib kelish masalasi ustidan esa Prezident Erdo‘g‘an,
“Biontech uchun Germaniya va’da bergan. Xudo xohlasa u ham keladi”. - dedi.
Erdo‘g‘an mahalliy vaksinalar haqida esa:
“G‘ayriodatish xodisa yuz berishiga ishonchim komil. Mahalliy vaksina ustidan ham bugunlarda universitetlarimiz, ba’zi dori - darmon firmalarimiz tirishib ish olib bormoqda. Ular yetkazgan ma’lumotlarga tayangan holda, shu yilning sentabr - oktabr oylarida mahalliy vaksinani ham ishlab chiqarish bosqichiga o‘tilishiga ishonaman”. - deya gapirdi.
Aloqador xabarlar
Erdo‘g‘an Iroqning PKKni «terror tashkiloti» deb e’lon qilishini kutayotganliklarini bildirdi
Prezident Erdo‘g‘an, vazirlar kengashi yig‘ilishi ortidan bayonot berdi.