Ozarbayjonning Tolish qishlogʻida mina portlashi natijasida 3 kishi halok boʻldi

2-Qorabogʻ urushi davrida ishgʻoldan ozod qilingan Tolish qishlogʻi qishloq hududida arman qoʻshinlari tomonidan ishgʻol davrida qoʻyilgan mina portlashi natijasida 3 kishi halok boʻldi.

Ozarbayjon Bosh prokuraturasining bayonotida, tankga qarshi minaning portlashi oqibatida 3 kishining hayotdan ko'z yumgani va voqea yuzasidan tergov boshlanganligi ma'lum qilindi.

Qayd etilishicha, halok bo‘lganlar Ozarbayjon minalardan tozalash agentligi (ANAMA) bilan hamkorlik qiluvchi Britaniya kompaniyasining ozarbayjonlik xodimlaridir.

2-Qorabogʻ urushidan keyin Armaniston kuchlari tomonidan qoʻyilgan minalarning portlashi oqibatida hayotdan koʻz yumganlar soni oxirgi yoʻqotishlar bilan 54 nafarga yetdi.