Japarov Turkiyadagi qidiruv-qutqaruv faoliyatida qatnashgan yurtdoshlariga minnatdorchilik bildirdi

Qirg‘iziston Prezidenti Sadir Japarov, 6-fevral kuni sodir bo‘lgan va o‘chog‘i Kahramanmarash deb qayd etilgan yer silkinishi ortidan Turkiyaga kelib, qidiruv-qutqaruv faoliyatlarida qatnashgan yurtdoshlariga minnatdorchilik bildirdi.

Prezident Japarov tomonidan qabul qilingan Qirg‘iziston Favqulodda vaziyatlar vaziri Boobek Ajikeyev, vazirlik tomonidan Turkiyadagi yer silkinishlari ortidan olib borilgan qidiruv-qutqaruv faoliyatlari haqida ma’lumot berdi.

Japarov, Turkiyada sodir boʻlgan tabiiy ofatning dahshatli oqibatlari borligini ifoda etar ekan ayni vaqtda uning qardosh davlatga katta ziyon yetkazganini taʼkidladi.

Mavzu haqida Japarov:

“Bu umumiy azob hammani Turkiya xalqiga yordam berishga undadi. Professional, yaxshi muvofiqlashtirilgan va samarali ishlari uchun qutqaruvchi guruh a’zolariga minnatdorchilik bildirmoqchiman”. - dedi.

Japarov, Ajikeyevga, qidiruv-qutqaruv ishlarida qatnashgan har bir xodimni mukofatlashi uchun topshiriq berdi.  

Ajikeyevning qayd etishicha Qirg‘iziston Favqulodda vaziyatlar vazirligi tarixida qidiruv-qutqaruv guruhi birinchi marta chet eldagi faoliyatlarda ishtirok etgan.

Vazir o‘z so‘zi davomida:

“Qirg‘iziston qidiruv-qutqaruv guruhi o‘z hayotlarini xavf ostiga qo‘yib, vayronalar ostida qolganlarni qutqarishga harakat qildi. Qutqaruv ishlari davomida 8 kishini (ular orasida bolalar ham bor) tirik qutqrib, 198 kishining jasadini topdi. Yer silkinishi sodir bo‘lgan hududlarda 124 chodirdan tashkil topgan chodir shaharcha qurib berdi”.-deya gapirdi.  

Turkiyaning Kahramanmarash va Hatay viloyatida olib borilgan qidiruv-qutqaruv faoliyatlarida ishtirok etganliklarini ifoda etgan Ajikeyev, ular faoliyati turk matbuoti tomonidan yaqindan kuzatilganini ham o‘z so‘ziga ilova etdi.

Qirg‘iziston guruhi, mamlakatda tantanali marosim va minnatdorchilik bilan kutib olindi.