Oʻzbekiston Afgʻonistondagi oxirgi vaziyatlardan jiddiy ravishda xavotirda

Oʻzbekiston Prezidenti Shavkat Mirziyoyevning qayd etishicha, Afgʻoniston bilan bogʻliq eng buyuk muammo bu insonlarning bu yilgi qishni sogʻ-salomat, och qolmay, urushsiz oʻtkazishidir.

Prezident Mirziyoyev 24-oktabr kuni boʻlib oʻtadigan prezidentlik saylovi doirasida poytaxt Toshkentda fuqarolar bilan oʻtkazgan uchrashuvida qoʻshni Afgʻonistondagi vaziyat haqida bayonotlar berdi.

Oxirgi 5 yilda qoʻshni davlatlar bilan boʻlgan munosabatlarda sezilarli yutuqlarga erishganliklarini qayd etgan Mirziyoyev, “Qoʻshnilarimiz bilan boʻlgan munosabatlarimizni kuzatyapsiz. Biz 5 yildek qisqa muddatda katta ishlarni amalga oshirdik. Afgʻoniston muammosi bizni jiddiy ravishda oʻylantirmoqda. Eng katta muammo, Afgʻonistonning bu yilgi qishni sogʻ-salomat, och qolmay, urushsiz oʻtkazib olishidir. Umid qilamanki (Afgʻonistonda) yetakchilikka kelgan yangi kuchlar ham oʻz xalqini oʻylaydi”.-degan ifodalarga oʻrin berdi.

Mirziyoyev, yangi turdagi koronavirus (ovid-19) pandemiyasining iqtisodiyotga qilgan salbiy ta’siriga ham toʻxtalgan holda, dunyo iqtisodiyotining bugungacha hech qachon bunchalik jiddiy sinovga duch kelmaganini ta’kidladi.

Covid-19 pandemiyasining hatto dunyoda eng rivojlangan davlatlarni ham murakkab ahvolda qoldirganiga e’tibor qaratgan Mirziyoyev,

“Biz mana shunday vaziyatda ham (Oʻzbekistonda) iqtisodiyotni saqlab qolishga va hatto uni oʻstirishga muvaffaq boʻldik”.-deya gapirdi.