Turkiy tilli davlatlarning tarqoq skleroz bo‘yicha III xalqaro kongressi bo‘lib o‘tdi

O‘zbekiston nevrologlari jamiyati birlashmasi va Turkiya nevrologlari jamiyati hamkorligida Turkiy tilli davlatlarning tarqoq skleroz bo‘yicha III xalqaro Kongressi onlayn shaklda bo‘lib o‘tdi.

Tadbirning ochilish marosimida turkiy tilli davlatlarning milliy qadriyatlari va madaniyatini aks ettiruvchi videolavhalar namoyish etildi.

Ushbu forum nevrologlar, neyroxirurglar, kardiologlar, umumiy amaliyot shifokorlari, klinik ordinatorlar va magistratura mutaxassislari uchun mo‘ljallangan bo‘lib, unda O‘zbekiston, Qozog‘iston, Qirg‘iziston, Tojikiston, Ozarbayjon va Turkiyaning yetakchi mutaxassislari o‘zaro tajriba almashdi.