Turkish Airlines Farg'onaga to'g'ridan-to'g'ri reyslarni yo'lga qo'yadi
Aviakompaniyaning O`zbekistondagi vakolatxonasi bosh direktori boshchiligidagi ishchi guruh Farg`ona xalqaro aeroportini ko`zdan kechirish hamda mavjud infratuzilma va xavfsizlik tizimi bilan joyida tanishish uchun Farg`onaga keldi.
Turk havo yo`llari (“Turkish Airlines”) Turkiyaning yirik shaharlaridan Farg`onaga to`g`ridan-to`g`ri reyslar yo`lga qo`ymoqchi.
Aviakompaniyaning O`zbekistondagi vakolatxonasi bosh direktori Selim Kaxriman boshchiligidagi ko`p sonli turk mutaxassislaridan iborat ishchi guruh, Farg`ona xalqaro aeroportini ko`zdan kechirish hamda mavjud infratuzilma va xavfsizlik tizimi bilan joyida tanishish uchun Farg`onaga keldi.
Delegatsiya vakillarini aeroport direktori Timur Xalilov hamda viloyat hokimligi mutasaddilari kutib oldilar.
Samarali o`tgan muloqot chog`ida Farg`ona aeroportining vodiy hududida tutgan o`rni va roli alohida e`tirof etildi. Mehmonlarga viloyatning iqtisodiy va yo`lovchi salohiyati, shuningdek Turkiya bilan hamkorlik yo`nalishlari haqida ma`lumot berildi.
Uchrashuv chog`ida havo kemalariga yer usti xizmat ko`rsatish hamda umumiy xavfsizlik risklari masalalari alohida muhokama qilindi.
Eslatma: Avvalroq "Turkish Airlines" aviakompaniyasi Urganch xalqaro aeroporti bilan ham muntazam aviaqatnovlarni yo’lga qo’yganligini ma’lum qilgandi.
Aloqador xabarlar
Mirziyoyev Qozog‘iston yetakchisi va xalqiga hamdardlik bildirdi
Shavkat Mirziyoyev bilan Qasim - Jo‘mart To‘qayev telefon orqali muloqot qildi.
Qirg‘izistonda Imomidin Tashov qo‘lga olindi
Qirg‘izistonda hukumatni ag‘darishga tayyorgarlik ko‘rganlikda gumon qilingan Tashov qo‘lga olindi.