Ozarbayjonda koronavirusdan vafot etganlar soni 18 nafarga yetdi

Ozarbayjonda koronavirus yuqtirib olganlar soni 1373 kishiga yetdi.

Mamlakatda koronavirusdan vafot etganlar soni 18 nafarni tashkil qilmoqda.

Ozarbayjonda koronavirus tufayli 24-martdan buyon maxsus karantin rejimi joriy etilgandi, uning muddati 4 mayga qadar uzaytirildi.

65 yoshdan oshgan keksalarga uydan chiqish taqiqlangan, dam olish maskanlari, restoran va kafelar, oziq-ovqat do‘konlari va dorixonalardan boshqa barcha savdo obyektlari, barcha turdagi ta’lim muassasalari o’z faoliyatini to’xtatgan.

5-apreldan boshlab Ozarbayjonda koronavirus tarqalishiga qarshi kurash doirasida chegaralar yopilib, aholining mamlakat ichida harakatlanishi cheklangan.

5-apreldan 20-aprelga qadar Ozarbayjon chegaralari yer va havo transportlari uchun yopildi. Faqatgina yuk tashuvlar bundan mustasno.

Uydan chiqishga ruxsat olish uchun mamlakat aholisi tegishli raqamga SMS xabar jo‘natishi lozim.

Insonlarning oziq-ovqat, dorixona, bank yoki pochtaga borishi uchun kuniga bir marta ikki soatga ruxsat beriladi. Shifokor ko‘rigiga borish uchun ham ikki soat ajratilgan.

Ozarbayjonda karantin qoidalarini buzganlar jinoiy javobgarlikka tortilishi mumkin.