Matbuot sharhlari 22.01.2024

Hurriyat gazetasi: “Turk kosmonavti fazoda 13 ta ilmiy tadqiqot olib boradi” sarlavhasi bilan xabar berdi.

Xabarga ko’ra, Turk kosmonavt Alper Gezeravji 14 kun qolishi rejalangan Xalqaro kosmik stansiyada 13 xil ilmiy tajriba ustida ishlaydi. Ushbu tajribalar mikrogravitatsiya, koinotdagi inson salomatligi, “Tuz ko'l” o’simligi ustida kosmos sharoitida tadqiqot o’tkazish, va qattiq va suyuq aralashmalarini tortishish kuchi bo'lmagan muhitda tadqiq qilishni o'z ichiga oladi.

Yeni shafak gazetasi: “Gezeravji kosmonavtlarning sog'liq muammolarini o'rganadi” sarlavhasi bilan xabar berdi.

Xabarga ko’ra, Turk kosmonavt Alper Gezeravjining kosmosda o'tkazadigan tajribalaridan biri nafas olish tizimi fiziologiyasi bo'ladi. Gezeravji, kosmonavtlar kosmik sharoitda duch keladigan sog'liq muammolarini sun'iy idrok bilan aniqlashga harakat qiladi. Ushbu tajriba butun dunyo bo'ylab kosmik sog'liqni saqlash tadqiqotlariga yangilik olib keladi.

Sabah gazetasi: “Kosmik sayohat bolalarni ilhomlantirdi” sarlavhasi bilan xabar berdi.

Xabarga ko’ra, Turkiyaning fazoga parvozi bolalarga ham ilhom bag’ishladi. Bu qiziqish elektron tijorat xaridlarida ham namoyon bo'ldi. So’nggi paytlarda kosmonavt liboslari va futbolkalari, o'zga sayyoraliklarning liboslari va niqoblariga qiziqish ortdi. Teknofest muhlisi bo’lgan yoshlar ham kosmik tadqiqotlarni tezlashtirishga kirishdi.

Star gazetasi: “Turkiya Oyga kosmik kema yuboradi” sarlavhasi bilan xabar berdi.

Xabarga ko’ra, kosmosga ilk kosmonavtini yuborgan Turkiyaning keyingi qadami 'Oy loyihasi' bo'ladi. Bu doirada faoliyatini davom ettirayotgan Turkiya, 2026-yilda Oyga birinchi kosmik kemasini yuborishni rejalashtirmoqda. Turkiya Oyga mahalliy kosmik kemasi bilan parvoz qilmoqchi.

Xabar turk gazetasi: “Turkiyalik professordan saraton hujayralari tarqalishini oldini oladigan tadqiqot” sarlavhasi bilan xabar berdi.

Xabarga ko’ra, Sivas davlat universiteti o‘qituvchisi Prof. Dr. Birnur Akkaya saraton hujayralari tarqalishini oldini olish maqsadida olib borayotgan ilmiy tadqiqotida samarali natijalarga erishdi. Prof. Akkaya sulfatidga o'xshash xitozandan olingan birikma molekulasini sintez qildi, bu saraton va xavfli hujayralarni qon tomir yuzasiga yopishib qolishini va ularning tarqalishini oldini oladi. Turkiyalik professor saraton hujayralari tarqalishini oldini oladigan ilmiy faoliyatining patentiga ega bo’ldi.