Yaqinda O'zbekistonda XIII Toshkent xalqaro kinofestivali bo'lib o'tadi
Festivalda Rossiya, Turkiya, Koreya, Italiya, Polsha, Ozarbayjon, Hindiston, Belarus, Misr, Qozog`iston, Qirg`iziston, Turkmaniston, Tojikiston kinolari namoyish qilinadi.
Dunyo tan olgan, jahon sahnalarida namoyish etilgan katta kinotaqdimotlar endi O`zbekistonda ham bo`lib o`tadi.
Shu yilning 28 sentyabr - 3 oktyabr kunlari Toshkent shahrida XIII Toshkent Xalqaro Kinofestivali bo'lib o'tadi. Festival doirasida esda qolarli uchrashuvlar, qiziqarli taqdimotlar, xullas yorqin lahzalarga boy tadbirlar bo`lishi kutilmoqda.
O'zbekiston Kinemotografiya agentligi ma'lum qilishicha, festival doirasida “Jahon mamlakatlari kino kunlari” o`tkazilishi rejalashtirilgan bo`lib, unda 10 dan ortiq davlatlarning kinolari namoyish qilinadi.
Rossiya, Turkiya, Koreya, Italiya, Polsha, Ozarbayjon, Hindiston, Belarus, Misr, Qozog`iston, Qirg`iziston, Turkmaniston, Tojikiston shular jumlasidan.
Eslatib o‘tamiz, besh kun davom etadigan kinofestival O‘zbekiston Respublikasi Prezidentining tashabbusi bilan qayta tiklandi. Endilikda kinofestival O‘zbekiston Kinematografiya agentligi tomonidan joriy yildan boshlab har yili 28 sentyabr – 3 oktyabr kunlari o‘tkaziladi.
Aloqador xabarlar
Turkiyaning to‘rt burchagida bolalar bayrami nishonlanmoqda
Turkiya bugun, Milliy mustaqillik va bolalar bayramini nishonlamoqda.
