Terror hujumidan larzaga kelgan Rossiyaga butun dunyodan hamdardlik bildirilmoqda

Terror hujumidan larzaga kelgan Rossiyaga butun dunyodan hamdardlik xabarlari keldi.

Qo'shma Shtatlar (AQSh) ma'muriyati prezident Jo Bayden voqealar rivojini kuzatib borayotganini ma'lum qildi. Oq uy tomonidan qilingan bayonotda, "Moskvadagi hujum dahshatli, bizning qalbimiz qurbonlar uchun" deyilgan.

Ozarbayjon Tashqi ishlar vazirligi tomonidan berilgan bayonotda, hujum keskin qoralandi.

“Biz begunoh qurbonlarning oila a’zolariga, Rossiya Federatsiyasi xalqi va hukumatiga chuqur hamdardlik bildiramiz”, — deyiladi xabarda.

Fransiya prezidenti Emmanuel Makron Rossiya xalqiga qo‘llab-quvvatlash xabari bilan o‘rtoqlashdi.

Birlashgan Millatlar Tashkiloti Xavfsizlik Kengashi terrorchilik harakatini “xiyonat va qo‘rqoqlik” deb atadi.

Birlashgan Millatlar Tashkiloti Bosh kotibi Antoniu Guterrish ham hujumni keskin qoraladi.

Germaniya Tashqi ishlar vazirligi hamdardlik maktubi chop etdi.

Bayonotda, "hujumning fonini tezda aniqlashtirish kerakligi ta'kidlandi".

Oʻzbekiston Prezidentligi bayonotida Prezident Shavkat Mirziyoyev Rossiya prezidenti Vladimir Putinga fojiali voqea munosabati bilan chuqur hamdardlik bildirgani taʼkidlangan.

Falastin qarshilik harakati HAMASning ijtimoiy media hisobidan qilingan bayonotda, "Moskvada tinch aholini nishonga olish o‘nlab odamlarning o‘limi va jarohatlanishiga sabab bo‘lgan teraktni keskin qoralaymiz”, — deb bildirgan.

Bayonotda, Rossiya ma'muriyati va xalqiga "samimiy hamdardlik" bildirildi va jarohatlanganlarga tezroq sog'ayib ketishi tiladi.

Shuningdek, Irlandiya, Gretsiya, Tunis, Isroil, Yaponiya va Erondan Rossiyaga hamdardlik maktublari chop etildi. Boshqa tomondan, AQSh Rossiya rasmiylarini so'nggi haftalarda sodir bo'lishi mumkin bo'lgan terror hujumidan ogohlantirganini e'lon qildi.

AQSh hukumati, shuningdek, o'z fuqarolarini yig'ilish joylaridan, jumladan, konsertlardan uzoqroq turishga chaqirgan edi.

Angliya va Kanada ham Rossiyadagi fuqarolarini ehtiyot bo'lishga va olomondan uzoqroq turishga chaqirgan edi.  Kecha Rossiya poytaxti Moskvadagi Crocus City Hall konsert zaliga qurollangan shaxslar hujum qildi.

Ijtimoiy tarmoqlarda tarqatilgan tasvirlarda hujumchilar zalda tasodifiy o'q ochgani ko'rindi.

Rossiya Federal xavfsizlik xizmati teraktda dastlabki ma’lumotlarga ko‘ra 115 kishi halok bo‘lganini, Rossiya sog‘liqni saqlash vaziri Mixail Murashko esa 115 kishi yaralanganini, ulardan 146 nafari og‘ir ekanini ma’lum qildi. Rossiya Tergov qo‘mitasi, shuningdek, Moskvadagi teraktda 60 dan ortiq odam halok bo‘lgani va qurbonlar soni ortishi mumkinligi haqida xabar berdi.