«G‘azoda 17 ming nafar bola kimsasiz qolgani yoki oilasidan ajralgani taxmin qilinmoqda».
Jonatan Crickx BMTning Jenevadagi ofisida uyushtirilgan haftalik matbuot anjumanida so‘zlagan nutqida, avj olgan Isroil hujumlari va oqibatida g‘azolik bolalar duch kelgan qiyinchiliklarga e’tibor qaratdi.
Birlashgan Millatlar Tashkiloti Bolalar jamg‘armasi (UNICEF)ning Falastindagi aloqalar bo‘yicha direktori Jonathan Crickxning qayd etishicha, G‘azoda 17 ming nafar bolaning kimsasiz qolgani yoki oilasidan ajralgani taxmin qilinmoqda.
Jonatan Crickx BMTning Jenevadagi ofisida uyushtirilgan haftalik matbuot anjumanida so‘zlagan nutqida, avj olgan Isroil hujumlari va oqibatida g‘azolik bolalar duch kelgan qiyinchiliklarga e’tibor qaratdi.
“G‘azoda 17 ming nafar bola kimsasiz qolgani yoki oilasidan ajralgani taxmin qilinmoqda”. – degan Crickx, bu bolalarning har birining yuraklarni ezuvchi hikoyasi borligini o‘z so‘ziga ilova etdi.
O‘tgan hafta G‘azoda bo‘lib qaytganini yodga solgan Crickx, oilalarning oziq - ovqat, suv yoki boshpana yo‘qligi tufayli qiyin ahvolda ekani va oila a’zolari bilan bolalar ehtiyojlarini qondirishda qiyinchilikka duch kelayotganini bildirdi.
G‘azoda sodir bo‘lgan voqealar bolalarning ruhiy sog‘lig‘iga jiddiy ma’noda ta’sir qilganini ham ifoda etgan Crickx, bu holat bolalarning haddan tashqari tashvish, ishtahani yo‘qotish, uxlay olmaslik, hissiy portlash yoki har bomba ovozi eshitganida vahimaga tushishlariga yo‘l ochganini ta’kidladi.
BMT vakili shuningdek:
“Bugungi kunda G‘azodagi deyarli barcha bolalar ruhiy salomatlik jihatidan yordamiga muhtoj degan fikrdamiz”, - deya gapirdi.
