AQSh va Italiya rasmiylari G'azodagi gumanitar vaziyatni muhokama qildi

Amerika Qo'shma Shtatlari Davlat kotibi Entoni Blinken Italiya Bosh vazir o'rinbosari va Tashqi ishlar vaziri Antonio Tajani bilan telefon orqali suhbatlashdi.

Bu haqda AQSh Davlat departamentidan berilgan yozma bayonotda qayd etildi.

Qayd etilishicha, Blinken va Tajani suhbat chog'ida G'azodagi gumanitar inqiroz va Hamas bilan Isroil o'rtasidagi to'qnashuvni zudlik bilan to'xtatish zarurligiga urg'u berdi.

Vazirlar, shuningdek, 2022-yil 24-fevraldan beri davom etayotgan Rossiya-Ukraina urushida Ukrainani kuchli qo‘llab-quvvatlashlarini yana bir bor ta’kidladilar.

Italiya 2024-yilda G7 raisligini o‘z zimmasiga olganida global muammolarni hal qilish uchun birgalikda ishlashga va’da bergan yetakchilar, shuningdek, Yamanda Eron tomonidan qo‘llab-quvvatlangan Husiylar tomonidan “Qizil dengizdagi savdo kemalariga hujumlar tufayli global manfaatlarga tahdid solayotgani”ni ham muhokama qildi.

Blinken va Tajani, shuningdek, Gaitida xavfsizlikni ta'minlash bo'yicha ko'p millatli missiyaning "Gaitidagi xavfsizlik holatini barqarorlashtirish va demokratiyaga qaytish uchun shart-sharoitlarni ta'minlash" muhimligini ta'kidladilar.