Zelenskiy Oq uyda AQSh prezidenti Jo Bayden bilan uchrashadi

Ukraina prezidenti Vladimir Zelenskiy AQShda Oq uy va Kongressga tashrif buyuradi.

AQSh rasmiylari Zelenskiyning tashrifi kelasi hafta Nyu-Yorkda bo‘lib o‘tadigan Birlashgan Millatlar Tashkiloti Bosh Assambleyasidagi ishtirokidan so‘ng amalga oshirilishini ma’lum qildi.

Zelenskiy payshanba kuni Oq uyda AQSh prezidenti Jo Bayden bilan uchrashishi aytilgan.

AQSh Kongressi ayni damda Ukrainaga qo'shimcha 21 milliard dollar miqdorida yordam berish masalasini muhokama qilmoqda. Kongressdagi ba'zi respublikachilar Ukrainaga yordamni to'xtatish va federal byudjetda xarajatlarni qisqartirish kerakligini ta'kidlamoqda.

Zelenskiy dekabr oyida Vashingtonga tashrifi chogʻida Kongressda nutq soʻzlab, AQShning oʻz mamlakatiga koʻrsatayotgan yordamlari “ehson” emas, balki “global xavfsizlik va demokratiya”ga sarmoya ekanligini taʼkidlagandi.