Italiyada favqulodda holat e’lon qilinishi mumkin

Italiya janubiy viloyatlari va orollarida yuz bergan o'rmon yong'inlari davom etmoqda.

Italiya matbuotida chop etilgan xabarga ko'ra, Sitsiliya orolining g'arbidagi Palermo shahri yaqinida sodir bo'lgan o'rmon yong'inlarini ochirish faoliyatlari bugun ham davom etdi.

Orolning Kataniya shahri yaqinidagi Etna vulqon milliy bog'i chegarasidagi qishloq hududida kechasi sodir bo'lgan yong'in A18 avtomagistraliga ham o'tdi.

Magistral yoʻllardan masʼul boʻlgan ANAS agentligi orol boʻylab yoʻllarda yongʻin xavfi tugagani va transport tiklanganini maʼlum qildi.

Pugliada Vieste yaqinidagi yong‘in nazorat ostiga olindi, Alta Murgia milliy bog‘idagi yong‘in avj oldi. Bu yerdagi yong'in tufayli Puglia viloyati o't o'chiruvchilarni jalb qilishni talab qildi.

Sardiniyaning Sassari shahri yaqinida yong‘in davom etmoqda. O‘t o‘chiruvchilar hududda yong‘inni yerdan va havodan o‘chirish ishlarini davom ettirmoqda.

Boshqa tomondan, Kalabriya viloyatidagi bir qishloqda yong'in chiqmoqchi bo'lgan bir kishi xavfsizlik kuchlarining uchuvchisiz samolyoti tomonidan aniqlandi va ushlandi.

Kechki soatlarda Sitsiliyaning Sirakusa viloyati chegaralaridagi o'rmon hududida yong'in o'chirish faoliyatiga qatnashgan vertolyot bilan aloqa uzilgani bildirildi.

Vertolyot halokatga uchragani va uchuvchi tirik ekanligi qayd etilgan.

Italiya Bosh vaziri Giorgia Meloni o'zining Facebook'dagi akkauntida mintaqada favqulodda holat e'lon qilish (OHAL) talablarini o'rganayotganlarini aytdi.

Italiya hukumati mamlakatning to‘rtta viloyati – kuchli dovullar yopirilgan shimoliy Lombardiya, Veneto, Friuli-Venetsiya-Juliya va o‘rmon yong‘inlari davom etayotgan Sitsiliyada favqulodda holat rejimini e’lon qilish haqida o‘ylamoqda.