Rossiyaga yadroviy qurolga qarshi munosabat

Litva tashqi ishlar vaziri Gabrielius Landsbergis Rossiya prezidenti Vladimir Putinning Belarusda taktik yadro qurolini joylashtirish qarorini “zaiflik” deb baholadi.

Landsbergis o'zining Twitter sahifasida bergan bayonotida Rossiyaning qarorini tanqid qildi.

Landsbergis, Rossiyaga kuchli munosabat bildirish zarurligiga urg'u berib, "Bu qaror bilan Rossiya kuch emas, kuchsizligini ko'rsatmoqda. Jiddiy sanksiyalar, Boltiqbo'yi mintaqasiga qo'shin kiritilishi va NATOning sharqiy qanotini kuchaytirish birdamlik va qat'iyat ko'rsatadi" dedi.

Polsha Tashqi ishlar vazirligi bayonotida, "Putinning qarori Rossiyaning Ukrainaga qarshi tajovuzi bilan bog'liq taranglikni yanada kuchaytirdi. Bu Belarusni Rossiya urushiga tortish uchun qilingan qadamdir". Deya baholadi.

Shveytsariya Tashqi ishlar vazirligi ham Rossiyaning Belarusda taktik yadro qurollarini joylashtirishini e'lon qilganidan so'ng o'zining Twitter sahifasida ma'lum qildi.

“Rossiya Belarusda taktik yadro qurolini joylashtirishni rejalashtirayotgani haqidagi xabarlarga asoslanib, Shveytsariya yadroviy qurol bilan bog‘liq barcha xavflarni kamaytirish uchun shoshilinch choralar ko‘rishga chaqiradi”, — deyiladi postda.

Yadro urushida g'alaba qozonib bo'lmasligi va hech qachon yutib bo'lmasligi kerakligi ta'kidlangan postda keskinlikni oldini olishga chaqiriq ham kiritilgan.

Rossiya Prezidenti Putin 25-mart kuni Belarusda taktik yadro qurollarini joylashtirajaklarini maʼlum qilib, “Biz buni yadro qurolini tarqatmaslik boʻyicha xalqaro majburiyatlarimizni buzmagan holda qilamiz” dedi u.

NATO va Yevropa Ittifoqi (YI) Rossiyaning bu qarorini "mas'uliyatsiz" deb topdi. Ukraina Tashqi ishlar vazirligi ham Birlashgan Millatlar Tashkiloti Xavfsizlik Kengashining navbatdan tashqari yig'ilishini talab qildi.