AQSh va Kanadada havo harorati -43 darajaga tushdi

Shimoliy Amerikada hukm surgan qor bo'roni tufayli AQSh, Kanada va Meksikada jami 57 kishi hayotdan ko'z yumdi.

Sovuq ob-havo va yo'l-transport hodisalari tufayli jabrlanganlar soni ortib bormoqda.

AQSh va Kanadadan keyin qattiq sovuq tufayli Meksikada ham o'lim holatlari kuzatildi.

Meksikaning shimoliy va sharqiy hududlari hamda Meksika vodiysida havo harorati -15 darajagacha pasaydi. Mamlakatda 23 dekabrdan beri sovuq havo tufayli 3 kishi halok bo‘lgan.

O'tgan juma kunidan beri Shimoliy Amerika bo'ylab hukm surgan sovuq havo to'lqinidan keyin AQSh va Kanadada havo harorati -43 darajaga tushdi, AQShda kamida 50 va Kanadada 4 kishi hayotdan ko'z yumdi.