Afg’onistonda “Tolibon” harakati jangarilari Faryob viloyatiga hujum qildi

Afg’onistonda “Tolibon” harakati jangarilari bilan xavfsizlik kuchlari o’rtasida sodir bo’lgan otishmada 2 kishi halok bo’ldi.

Bu haqda Faryob viloyati xavfsizlik boshqarmasi ma’lum qildi.

Ma’lumotga ko’ra, “Tolibon” harakati jangarilari mamlakat shimolidagi Faryob viloyati Xo’ja Sabz Posh tumani markaziga hujum qilgan. Hujumdan so’ng otishma boshlangan.

Otishma paytida Xo’ja Sabz Posh tumaniga qarashli Sahroyi Kal’a qishlog’idagi bir uyga zambarak o’qi kelib tushgan. Voqeada ikki kishi halok bo’lgan, 15 kishi yaralangan.

Tegishli vakillar qishloqdagi bir uyga kelib tushgan zambarak o’qi “Tolibon” tomonidan otilganligini ma’lum qildi.

“Tolibon” harakati esa voqea haqida biron izoh bildirmadi.