Afg’oniston shimolida “Tolibon” jangarilari 5 nafar xavfsizlik xodimini o'ldirdi

Afg’oniston shimolida joylashgan Faryob viloyatidagi harbiy nazorat uchastkasiga “Tolibon” harakati tomonidan hujum sodir etildi.

Hujum oqibatida 5 nafar xavfsizlik xodimi halok bo’ldi, 2 nafari jarohatlandi.

Faryob viloyati sho’ro vakili Sayed Abdul Boqiy Xoshimiy ma’lum qilishicha, “Tolibon” jangarilari Erkalik hududida joylashgan harbiy nazorat uchastkasiga hujum qilgan.

Faryob xavfsizlik boshqarmasi ma’lum qilishicha, hujumdan so’ng otishma boshlangan. Otishmalarda “Tolibon” harakatiga a’zo 18 jangari o’ldirilgan.