түркийәниң ғәззәгә йоллиған 11 - йахшилиқ парахоти түнүгүн йолға чиқти
түркийә қизилай җәмийитиниң башчилиқида тәййарланған вә ғәззәгә йәткүзүлмәкчи болған 5 миң 66 тонна инсанпәрвәрлик йардими бесилған 11 - йахшилиқ парахоти түнүгүн (5-май) мәрсин хәлқара портидин йолға чиқти.
2135766
түркийә авази радийоси хәвири: исраилийәниң вәһшийанә һуҗумлири астида туруватқан ғәззә районида пәләстин хәлқи билән һәмкарлишишни мәқсәт қилип, тәййарланған йемәклик, бовақлар буйумлири, ухлаш халтиси вә башқа еһтийаҗлиқ буйумлардин тәркиб тапқан 5 миң 66 тонна инсанпәрвәрлик йардими қачиланған парахот түнүгүн йолға чиқти.
парахот тәхминән икки күн давамлишиши пиланланған деңиз сәпиридин кейин, ғәззәгә әң йеқин район болған мисирниң әл-ариш портиға йетип бариду.
әл-ариш портида парахоттин чүшүрүлидиған инсанпәрвәрлик йардәмлири йүк аптомобиллири билән рәфаһ чегра еғизиға тошулиду.
таможна рәсмийәтлиридин кейин, йардәмләр пәләстин қизилай җәмийитигә тапшурулуп, ғәззәдики еһтийаҗлиқ кишиләргә йәткүзүлиду.
